Teknikkimut ataatsimiititaliap qinersimavaa, suliniutissatut siunnersuut World of Greenland (WOG)-meer-soq, Ataa-ni takornarianut illuaraqarfiliornissamik imaqartoq, tamanut tusarniutigineqassasoq. Takorna-riaqarfik inerisarneqassaaq nutaanik pisoqqanillu illuaqqiorfigalugu, akiliilluarlutik takornariarumasunut (High end) 40-it tikillugit illuaqqani 20-ni immikkut perusuersartarfilersukkani inissaqarfiusussatut. Sa-niatigut aamma pilersinneqassapput kinisimaartarfiit, nerisarfik, saaffiginnittarfik, illuaqqallu ataatsimoo-russamik aneerasaartarfilersugaassapput ikaartarfilianik imminnut ataqatiissunngortitaasimasut, kiisalu peqqumaasivik, sulisunut inissiaqarfik sissamilu puttasoq taliffigineqarsinnaasoq.
Tamaani suliniutiginiak-kap suleqatigissavaa Eqi-mi takornariaqarfik „Eqi Lodge“, tassani piginnittoq Ataa-ni suliniummi aamma piginnittuussalluni.
Tusarniaaneq una suliarineqarpoq Inatsisartut inatsisaat nr. 34, 9. december 2015-imeersoq naaper-torlugu, tassani Kommunalbestyrelsi periarfissinneqarmat nunaminertamik atuinissamut akuersissute-qarnissaq sioqqullugu tamanut ammasumik tusarniaanermik ingerlatsisinnaanermik.
Suliniummut siunnersuut alla qinerneqarsinnaasoq
Piffissap tusarniaaffiusup iluani innuttaasutut inuussutissarsiortutullu periarfissaqarputit nunaminertami pineqartumi suliniummik allamik qinerneqarsinnaasumik siunnersuuteqarnissarnut, imaluunniit suliniutis-satut siunnersuutigineqartumut oqaaseqaateqarnissarnut. Suliniummut siunnersuutinik allanik qinerne-qarsinnaasunik nassiussat siunnersuummulluunniit oqaaseqaatit tiguneqartut Kommunalbestyrelsimi suliarineqarumaarput, suliniutissatut siunnersuutip nunaminertami pineqartumi inniminniissunneqanngin-nerani. Tamatuma kingornatigut kommunimi pilersaarummut tapiliussamik suliaqartoqassaaq.
Suliniummut siunnersuummik allamik qinerneqarsinnaasumik siunnersuuteqarnermi piumasaqaataavoq nunaminertami pineqartumi takornariaqarnermut tunngasuunissaa atortulersuuteqartuunissaalu asimi atugassatut immikkut naleqqussarneqarsimasussat.
Suliniummut qinnuteqaat takornarianut illuaqqat
Qinnuteqaatit tamarmik makkuninnga imaqassapput
1. Isumassarsiaq atuinissamullu tunngatillugu paasissutissat
2. Sanaartugassat pillugit siunnersuutit, sumiiffissaat, isikkussaat atortussiallu suut atorneqassanersut
3. Teknikkikkut atortorissaarutissat atortulersuutaasussallu allat pillugit paasissutissat
4. Takornarianik sumiiffimmut sumiiffimmiillu angallassinerup sunniutigisinnaasai pillugit paasissutissat
5. Pilersinniakkap piviusunngortinnissaanut piffissalersuineq
6. Aningaasaqarnermut paasissutissat, qinnutigineqartup piviusunngortinnissaanut tunngaviusinnaasussatut uppernarsaataasussat
Piffissamut suliaqarnissamullu pilersaarut
Ulloq 05.04.2023 aallarnerfigalugu nunap immikkoortuani suliniutissatut siunnersuutinik allanik suliniutissamulluunniit tusarniutigineqartumut oqaaseqaatinik nassiussisoqarsinnaavoq.
17.05.23 kl.16:00 suliniutissatut siunnersuutinik oqaaseqaatinillu tigooqqaaneq matuneqassaaq.
Suliniummut qinnuteqaat takornarianut illuaqqat
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/ imalt. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
