airplanebooksbriefcase business cogs cross election entertainment fish house law lockmedicalpeopleselfservices socialtax

Navianassutsimut naliliineq

Uummannap eqqaani qaqqanik sisoorsinnaasunik marlunnik peqarpoq, malerujussuarnik pilersitsisinnaasunik taamaalilluni illut, sanaartukkat, aqquserngit il.il. qarsunneqarsinnaallutik. Siulleq Karrat kangerluaniippoq aappaalu Kigarsima qaqqaaniilluni.

Karrat-ni qaqqap sisoornera sisoornerit annersarisinnaavaat (Tabelimi Karrat 3), Kigarsima-mili qaqqaq sisoorsinnnaanera nalilerneqarpoq annertunerujussuusoq.

Ataani qaqqaq sisuussangaluarpat kingunerisinnaasai takuneqarsinnaapput.

Qaarsormiuusimaguit Kigarsima-mi qaqqaq sisuussagalualrpat mallit 6 miiterisut portutigissagarluarput. Annertuumilli Karrat-ni (Karrat 3) qaqqaq sisuussangaluarpat, ernumanaateqarsinnaavoq, Qaarsuni mallit 11-23 miiterinik portussuseqarsinnaanerat.

"Apererusunnarpoq, qanoq iliuuseqartoqarsinnaava, qaqqat sisoorneri malerujussuillu siu-mut pisoqarnissaanik ilimasaarisoqarsinnaassappat. Uagullu naliliinerput ajoraluartumik tassaavoq ajornakusoortorujussuusussaasoq – immaqa ajornavissoq -  Uummannap sullu-ani kalerrisaarutinik pilersitsinissaq,” taama oqaluttuarpoq Marie Keiding, misissuinermi ilisimatuut ilaat.

Nunarsuatsinni kalerrisaarutinik peqarpoq, ilaatigut malerujussuaqalernissaanik siulittuisinnaasumik, imaluunniit qaqqap sisooratarsinnaaneranik annertuumik ilimanaateqartunut.

”Malerujussuaqarnissaanut kalerrisaarutinik nalunngisatsinnik ikkussuisoqarsinnaanngilaq, iluliarsuit immallu sikuata aserorsinnaammagit. Aamma ajornakusoortorujussuussooq qaqqap innaanut kalerrisaarutinik ivertitsinissaq, pissutigalugu atortut sarfaqartinnissaat qulakkeerneqarsinnaanngimmata, ukiukkut seqernup nuissaarfiani. Taakkulu saniatigut nunani allani misilittakkat takutippaat, ukiumut million-erpaalunnik missingersuuteqaraluarluni aammalu nunarsuarmi ilisimasalinnik qaqqat sisoorsinnaanerinik ilimasaarutinik pitsaasunik peqaraluaraanniluunniit qulakkeerisoqarsinnaanngitsoq,” Marie Keiding itisiliivoq. (Kortlægning af risikoen for fjeldskred og tsunamier i Grønland er afsluttet (geus.dk))

Malerujussuaqarnissaanut piareersarit. Siunnersuutinik ajornanngitsunnguanik nassaarit, qanoq ilillutit illit qanigisatillu piareersarsinnaanissarsi qulakkeerniarlugu malerusussuaqalissappat tamatumalu kingorna. 

Tassaarsuaq (avannaata.gl)

Uummannap eqqaani nunaqarfinni ataasiakkaani paasissutissanik annertunerusumik pissarsisinnaavutit. Aamma takuuk, nuussangaluaruit qanoq ilillutit ikiorserneqarsinnaanerit.

Issuaaffigisaq: Qaqqap sisoorsinnaanera pillugu nalileeqeqinneq 4. 2022 Fjeldskredsprojektet (geus.dk) GEUS, De Nationale Geologiske Undersøgelser for Danmark og Grønland.

Annertunerusumik paasinninnissamut soqutiginnippit?

Taava nalunaarutit atuakkit Kalaallit Politi-vini upalungaarsimaneq pillugu kiisalu GEUS-imiik:

Upalungaarsimanermut tunngatillugu navianarneranut naliliinerit eqikkarnerat Kalaallit Politi-viniik uani (26 april 2021 saqqummersoq)

Qaqqat sisoorsinnaanerinut pilersaarutip eqikkarnera, GEUS, oktober 2022

Norge-mi teknologiske institut-ip navianarsinnaaneranut naliliinera atuarsinnaavat uani(saqqummersoq 26 marts 2021 tuluttuinnaq)

 

 

Kigarsima

(28 x 106 m3)

Karrat 1

(13 x 106 m3)

Karrat 2

(11 x 106 m3)

Karrat 3

(524 x 106 m3)

 

Ungasissuseq

(km)

Qarsutsinerup portussusissaa

(m)

Qarsutsinerup portussusissaa

(m)

Qarsutsinerup portussusissaa

(m)

Qarsutsinerup portussusissaa

(m)

Illorsuit

63

2,5

3,7 m

3,9 m

20 – 43 m

Qaarsut

58

6

-

-

11 – 23 m

Niaqornat

73

5

-

-

11 – 17 m

Uummannaq

72

2,5

-

-

6 – 14 m

Saattut

70

3,5

-

-

5 – 10,5 m

Ukkusissat

29

7

-

-

5,5 – 7,5 m

Ikerasak

110

1,5

-

-

4,5 – 11 m

Fjeldskredsprojektet (geus.dk)