Ilisimasartoqatigiit
”Spiralilersuisimaneq” aamma 1960-imiit 1991-i ilanngullugu Kalaallit Nunaanni aamma Danmarkimi efterskoleni, kalaallinik ilinniartulinni, naartunaveersaatinut tunngatillugu suleriaatsit atorneqarsimasut pillugit suliamut attuumassuteqanngitsunit qulaajaanermik suliaqartussat ilisimatusartoqatigiit toqqarneqarput. Ilisimatusartoqatigiit aamma oqaluttuassartamik, suliap ingerlanneqarsimaneranik, inatsisitigut, allaffissornikkut aamma peqqinnissakkut sullissinermi tunngavigineqarsimasunik qulaajaassapput.
Suliassaqarfimmi suliaqartutut suliaqarnermik oqaluttuarneq
Piffissami 1960-imiit 1991-mut peqqinnissaqarfimmi, imaluunniit atorfimmi allami atorfeqarsimaguit, aamma naartunaveersaatinut tunngasunik suliaqarsimagutit, oqaluttuat nassiussinnaavat, suliassaqarfimmi suliaqartuugutit, aamma nammineq naartunaveersaatinut tunngasunik suliaqarsimallutit.
Periutsit marluk atorlugit oqaluttuannik tunniussisinnaavutit:
- Digitalikkut
- Nammineq tunniussinikkut
Malugiuk:
Oqaluttuavit annertunerusumik itisilernerunissaa kissaatiginngikkukku aamma Nunatta Nakorsaaneqarfianut siusinnerusukkut nassiutereersimagukku nassiussissanngilatit.
Akuersissut
Oqaluttuannik nassitsinikkut oqaluttuavit ima pineqarnissaanut akuersivutit:
- qulaajaanermi paasissutissanut katersorneqartunut ilaassasoq
- oqaluttuat ilisimatusartut toqqorsivianni, Nunatta Katersugaasivia Allagateqarfialu-mi inissisimasumi, toqqortaatigineqassasoq. Allagaatit toqqorneqartut ukiuni 80-ini matoqqassapput. Tamanna sioqqullugu ilisimatusarnermut atatillugu takunninnissamik piumasaqaatitalimmik taamaallaat akuersissuteqartoqarsinnaassaaq.
Una toorlugu suliassamut nassuiaat annertunerusumik paasisaqarfigisinnaavat
Suliassaqarfimmi suliaqartuusimaguit oqaluttuat nassiusinnaajumallugu:
- Pisimasoq nammineq misigisimassavat
- Attaveqarfissatut paasissutissat allassavatit, atit, cpr-normut, oqarasuaatip normua aamma e-mailit, tamaalilluta pisariaqassappat attaveqarfigisinnaaniassagatsigit.
Suliassaqarfimmi suliaqartuusimaguit, aamma naartunaveersaatinut tunngasunik suliaqarsimallutit, naartunaveersaatinut tunngatillugu suleriaaserineqarsimasoq pillugu misigisatit pillugit allaaserinninnikkut oqaluttuat tunniussinnaavat.
Paasissutissat suliassaqarfimmi suliaqartuuninnut oqaluttuannut ilanngullugit tunniutereersimanngikkukkit oqaluttuat allareerukku tulliuttumi apeqqutigineqartut ilanngullugit akisinnaavatit.
- Naartunaveersaatinut tunngatillugu suleriaatsip atorneqarani piffissami sorlermi sulisimavit?
- Qanoq atorfeqarsimavit?
- Illoqarfimmi/nunaqarfimmi sorlermiissimavit?
Oqaluttuavit tunniunneranut atatillugu akigititaqarnanilu akiliuteqartitsisoqanngilaq
Oqaluttuat onlinekkut nassiukkusukkukku quppernermi uani qullerpaamiittoq imminut sullinnissamut tuungassaq sungaartoq ”Oqaluttuat nassiuguk” aqqutigalugu nassiutissavat. Imminut sullinnississut atussagukku illit nammineq MitID-it atorlugu isissaatit.
Digitaliusumik imminut sullinnerit aallartissavat attataasaq sungaartoq ”Oqaluttuat nassiuguk” toorlugu
Malugiuk:
Illit MitID-it atorlugu iseruit aatsaat oqaluttuat digitali atorlugu nassiussinnaavat.
Oqaluttuat nassiukkukku suliap ingerlanneqarnerata ilisarnaataanik ID-normumik, toqqugassannik, e-mailikkut tigusaqassaatit.
Immersugassaq digitaliusumik immersorusukkukku aamma anillatsikkusukkukku
Oqaluttuat nammineq tunniukkusukkukku immersugassamik immersuissaatit.
Tuungassaq sungaartoq ”Oqaluttuat nassiuguk” aqqutigalugu ima iliorsinnaavutit:
- Immersugassaq onlinekkut immersorlugulu anillatsikkusukkukku ”Immersoruk anillatsillugulu” toqqarlugu (MitID-eqarnissaq pisariaqanngilaq)
- Immersugassaq anillatsillugu nammineq immersorlugulu tunniukkusukkukku ”Anillatsiguk” toqqarlugu (MitID-eqarnissaq pisariaqanngilaq).
Allakkat adressimut uunga nassiussinnaavat:
Ilisimatusarfik
Forskerholdet for udredningen
Postboks 1061
Manutooq 1
3905 Nuussuaq
Oqaluttuat piffissami 1960-imiit 1991-imut susoqarsimaneranik ilisimatusartoqatigiinnit paasiniarneqarneranut atatillugu taamaallaat atorneqassaaq.
Oqaluttuavit tiguneqarneranut uppernarsaammik mailikkut tigusaqassaatit.
Tamatuma kingorna itinerusumik apeqquteqarfigineqarnissat siunertaralugu attaveqarfigineqanngikkuit ilisimatusartoqatigiinnit tusagaqaqqissanngilatit.
Peqataanerit kinaassutsinnik ersersitsiviussanngilaq, aamma atit qulaajaanermi takuneqarsinnaassanngilaq, soorluttaaq inuit ataasiakkaat qulaajaaneq pillugu inaarutaasumik nalunaarusiami, kiisalu saqqummiinerni, ilisimatuussutsikkut- aamma ingerlatitseqqilluni allaaserisani kinaassusersineqarsinnaassanngitsut.
Paasissutissat inunnut tunngasut mianerisariallit tamarmik ilisimatusartoqatigiinnit isumannaannerpaamik aamma isertuulluinnarlugit suliarineqassapput, aamma paasissutissat ilinnut tunngasut digitaliusumik allagaatinut toqqorsivimmi isumannaatsumi toqqortaatigineqassapput.
Qulaajaanermik sulineq naammassineqarpat oqaluttuat Nunatta Katersugaasivia Allagaateqarfialu-mut tunniunneqassaaq, ilisimatusartut toqqorsiviannut ilanngunneqassalluni. Allagaatit toqqorneqartut ukiuni 80-ini matoqqassapput. Tamanna sioqqullugu ilisimatusarnermut atatillugu takunninnissamik piumasaqaatitalimmik taamaallaat akuersissuteqartoqarsinnaassaaq.
Oqaluttuat tunuartikkusukkukku, allassaatit ”Oqaluttuara tunuartikkusuppara” uungalu nassiullugu qulaajaaneq@nanoq.gl:
- Atit oqarasuaativillu normua allassavat (Oqaluttuat allakkatigut nassiussimagukku)
- Suliap ingerlateqqinneqarnerata ilisarnaataa ID-normu allassavat (Attaveqaatitigut sullissivik.gl aqqutigalugu oqaluttuat nassiussimagukku)
Qaquguluunniit oqaluttuannik tunuartitsinissannut periarfissaqarputit.
Ilisimatusartoqatigiit oqaluttuanik katersuissapput piffissami 01.10. 2023-miit 01. 10. 2024 tikillugu.
Misigisat 1992-ip kingorna pisimappat maalaaruteqarusullutillu Nunatsinni Nakorsaaneqarfimmut maalaarutit linki una aqqutigalugu nassiussinnaavat: Nakorsartinnermut naammagittaalliuut nassiuguk