Pisortat aqqusiniutaat eqqarsaatigalugit aputaajarlugillu siorarternissaat isumagissallugit kommunip pisussaaffigivai. Pisortat aqqusiniutaat tassaasinnaapput aqquserngit, aqqusineeqqat pisortallu majuartarfiutaat.
Aputip nakkaqqaarneraniit siorarterinissaq aputaajaanissarlu aallartittussaapput, aatsaallu aputaaruppat taamaatinneqassalluni.
Malugiuk
Inuit namminneq illuutillit illuisa eqqaat, eqqaannilu aqquserngit kommunip aputaajartissallugit siorartertissallugillu pisussaaffiginngilai. Imaattoqartarporli, immikkut pissutsit aallaavigalugit inuinnaat susassaqarfii aputaajartinnissaat siorartertinnissaallu akuerineqarsinnaasarlutik. Immikkut pissutsit tassaasinnaallutik, innarluuteqaruit pensionisiaqartuullutilluunniit.
Illit kommunerisanni inunnik ikiuinermik ingerlatsivimmut saaffiginnissinnaavutit, tassa innarluuteqaruit pensionisiaqaruilluunniit, kiisalu illuit/inigisavit eqqaata aputaajarnissaanut siorarternissaanullu ikiorneqarnissannik pisariaqartitsillutit.