Allagaatinik takunnissinnaatitaaneq ima paasineqassaaq; illit innuttaasutut allagaatit ilinnut tunngasut aamma pisortat oqartussaqarfiini illit pillutit suliat allagaataannik takunnissinnaatitaasutit.
Tassa imaappoq; pisortat oqartussaqarfiini allagaatit takorusukkukkit allagaatinik takunnissinnaanerit pillugu qinnuteqarsinnaavutit.
Allagaatinik takunnissinnaaneq qinnutigissagukku, allagaatit ilinnut tunngasut tamaasa aamma meeraq illit angajoqqaatut oqartussaaffigisat pillugu allagaatit takusinnaavatit, allagaatit makkuusinnaapput; suliamut allatat, nalunaarutit, allakkat paasissutissallu allat kommunip illit meeqqat pillugu allagaatai.
Illit meeqqat pillugu ernummassuteqarluni nalunaarummik kommuni tigusigaangami meeraq toqqissisimanersoq qulakkeerinninniarluni misissuineq kommunip aallartittarpaa.
Kommunip suliaq aallartikkaangamiuk meeraq taanna pillugu suliaqarfinnit assigiinngitsunit meeqqamik ilisimannittunit paasissutissat katersorlugit aallartittartussaavoq.
Kommuni illit meeqqat pillugu paasissutissat tigooqqakkani tamaasa nalunaarsorlugillu uppernarsaasersortussaatitaavai.
Kommuni aalajangiisoqartinnagu suliami paasissutissat, aalajangiinissaminut tunngavigisassani, pillugit illuatungeriit tusarniaaffiginissaanut pisussaaffeqarpoq.
Illit meeqqat pillugu allagaatit kommunerisannut takorusussinnaavatit, taannalu allagaatinik takunnissinnaatitaanermik taaneqartarpoq.
Illit allagaatinik takunnissinnaatitaaneq pillugu qanoq qinnutigisinnaanerit aalajangersagaqanngilaq.Illit kommunerisanut ornigullutit, oqarasuaatikkut allakkatigullu saaffiginnissinnaavutit.
Kommunip allagaatinik takunnissinnaatitaanermut allagaatit qanoq tunniutissanerai piumasaqaateqanngilaq.
Kommunip allagaatit tunniunneqarnissaannut nammineq suna pitsaanerunersoq aalajangertarpaa.