Inuussutissanik tunisassiorniaruit, assartuiniaruit, toqqorsivimmiititsiniaruit, tikisitsiniaruit aamma/imaluunniit tuniniaaniaruit suliffeqarfiit tamakkuninnga ingerlatsisinnaanissamut akuerineqarsimassaaq.

Suliffeqarfimmik inuussutissaleriffimmik ingerlatsilerniaruit suliffeqarfiit akuerineqarsimasariaqarpoq.

Suliffeqarfiit inuussutissalerinermik ingerlatsisut nunatsinni namminermi tunineqartussanik tunisassiortartut Kalaallit Nunaanni Uumasut Nakorsaqarfik Inuussutissalerinermullu Oqartussaaffimmit (UNIO) akuersissummik tunineqartarput.

Suliffeqarfiit inuussutissalerinermik ingerlatsisut nunanut allanut naasunit pisunik tunisassiorniartut (tassa tunisassiat naasunit nasulluunniit ilaannit sanaat, soorlu qeqqussat) UNIO-mit akuerineqarnissaat akisussaaffigineqarput.
Suliffeqarfiit inuussutissalerinermik ingerlatsisut nunanut allanut uumasunit pisunik tunisassiorniartut (tassa tunisassiat uunasunit uumasulluunniit ilaannit sanaat) Danmarkimi Fødevarestyrelsenimit (FVST) akuerineqarnissaat akisussaaffigineqarput.

Suliffeqarfiit inuussutissaleriffittut akueritinniarlugu qinnuteqarnissamut iliuusissatit uani atuarsinnaavatit.

Pingaarnertut tunisassiortunut piumasaqaatit
Piniartut, aalisartut. nunalerinermik inuussutissarsiuteqartut, inuussutissanillu naatitsisartut aammalu inuit suliffeqarfiillu inerittunik katersisartut pingaarnertut tunisassiortuupput. Pingaarnertut tunisassiortut suliffeqarfittut inuussutissaleriffittut akuerineqaqqaarsimanissaat piumasaqaataanngilaq. Assersuutigalugu piniartut/aalisartut aalisakkanik uummasumilluunniit pisaminnik namminneerlutik ilaatigooriarlutillu pisisartunut tuniniaasartut UNIO-mit akuersissummik pissarseqqaartariaqanngillat.

Taamaattorli piniartut/aalisartut inuussutissanik peqqissutsimut ulorianarsinnaasunik tassalu napparsimalissutaasinnaasunik tuniniaaqqusaanngillat.

Inuussutissalerinermik suliffeqarfittut ingerlatsinissamik akuerineqarnissamut qinnuteqarneq akeqanngilaq.

Suliffeqarfittut inuussutissaleriffittut akuerineqarnissamik qinnuteqaruit suliffeqarfivit suussusaa nalunaarutigissavat:

A) Kioski aamma niuertarfik nammineq tigooraasarfiusoq (nillataartunik qerisunillu tunisaqarneq ajortoq)
Suliffeqarfiit nerisassaleriffiusut taamaallaallu nerisassanik poortoriikkanik nillataartitsivimmiittussaanngitsunik qerititsivimmiittussaanngitsunilluunniit nioqquteqartartut.

B) Kioski aamma niuertarfik nammineq tigooraasarfiusoq (inuussutissaleriffiuneq ajortoq)
Suliffeqarfiit nerisassaleriffiusut nerisassanik poortoriikkanik tamanik nioqquteqarsinnaasut, aamma nerisassanik nillataartitsivimmiittussanik qerisunillu.

C) Kioski, niuertarfik, illinnartuliorfik, iffiorfik, neqaarniarfik (inuussutissanik assigiinngitsunik suliaqartartut)
1. Kioskit; nerisassanik poortoriikkanik kissaannarissanik nioqquteqarlutillu, nerisassiorlutillu nioqquteqarsinnaapput.
2. Niuertarfiit nammineq tigooqqaasarfiit; nerisassanik nalinginnaasunik poortoriikkanik tamanik nioqquteqarsinnaapput, kiisalu iffiukkanik, kaagilianik, neqinik aalisakkanillu illinniartulianik nerisassiorlutillu nioqquteqarsinnaapput.
3. Iffiortoq kaagiliortorlu; taamaallaat iffiukkanik kaaginillu, kiisalu nerisassat poortoriikkat ilaannik nioqquteqarsinnaapput.
4. Neqileriffik, illinnartuliorfik aamma qallersuusiorfik; taamaallaat neqinik aamma neqinit tunisassianik nerisassallu poortoriikkat ilaannik nerisassiorlutillu nioqquteqarsinnaapput.

D) Kantiina, sullissiveqarfinnut igaffiit igaffissuillu nerisassanik imigassanillu sassaallerfiusartut
Suliffeqarfiit nerisassaleriffiusut pisisartunut aalajangersimasunut tuniniaanissaq sassaallernissarluunniit siunertaralugit nerisassanik suliarineqanngitsunik poortoriikkanillu nerisassiorsinnaasut.

E) Nerisarfiit tamanut ammasut (soorlu neriniartarfiit, nerisassanik piariikkanik annissassanik pisiniartarfiit, pølseerniarfiit)
Suliffeqarfiit nerisassaleriffiusut nerisassanik suliarineqanngitsunik poortoriikkanillu nerisassiorsinnaasut, pisisartumut toqqaannartumik sassaalliutigisassatut tuniniagassatulluunniit siunertalimmik.

F) Toqqorsivik, nillataartitsivik qerititsivillu
Suliffeqarfiit nerisassaleriffiusut suliffeqarfinnut inuussutissalerisinnaanermut akuerisaasunut taamaallaat nerisassanik poortoriikkanik uninngasuuteqarlutillu assartuisartut.

G) Aalisakkanik suliffissuaq, toqoraavik, iffiorfik aamma panertitsivik
Suliffeqarfiit suliffeqarfinnut allanut inuinnarnulluunniit tunineqartussanik inuussutissaleriffiusartut.

• Suliffeqarfiit inuussutissanik nerisassiorlutillu sassaallertartut:
  Una toorlugu ilitsersuut takuguk
• Suliffeqarfiit inuussutissanik nerisassiorlutillu nioqquteqartartut.
  Una toorlugu ilitsersuut takuguk
• Niuertarfiit inuussutissanik tuniniaasartut
  Una toorlugu ilitsersuut takuguk

Suliffeqarfiit inuussutissanik nunatsinni namminermi tuniniarneqartussanik tunisassiorlunilu tuniniaasalerusuppat Kalaallit Nunaanni Uumasut Nakorsaqarfik Inuussutissalerinermullu Oqartussaqaaffimmut (UNIO) akuerineqarnissamik qinnuteqassaatit.

Inuussutissanik nunanut allanut tuniniarneqartussanik tunisassiulerusukkuit Danmarkimi Fødevarestyrelsi (FVST) saaffigissavat akuerineqarnissamillu qinnuteqarlutit.

Suliffeqarfimmik inuussutissaleriffimmik ingerlatsilernissamut akuerineqarnissamik qinnuteqaat (nunatsinni namminermi tuniniarneqartartussanik)
Suliffeqarfimmik inuussutissaleriffimmik ingerlatsilernissamut akuerineqassaguit qinnuteqaat immersoriarlugu atsioriarlugulu UNIO-mut nassiutissavat.

Una toorlugu qinnuteqarnissamut immersugassaq aasinnaavat

Qinnuteqaammut makku ilanngullugit nassiutissavatit:

1. Suliffeqarfiup titartarneqarnera.
2. Suliffeqarfiup nammineerluni nakkutilliisarnissamut pilersaarutaa.
3. Suliffeqarfiup suliarisartagassaannut nassuiaat.

Nammineerluni nakkutilliisarnissamut tunngasut uani annertunerusumik atuarlugit paasisaqarfigisinnaavatit: Nammineq nakkutilliineq pitsaasumillu suleriaaseqarneq

Suliffeqarfivit akuerineqarnissaanut atatillugu UNIO-mit nakkutilliiartortitamit pulaarneqassaatit imaluunniit suliffeqarfiup initaasa assitaanik UNIO-mut nassitsinissat piumasarineqarsinnaavoq.

Suliffeqarfivit inuussutissalerisinnaanissamut akuerineqarnissaanik qinnuteqaatit UNIO-mit tiguneqarpat suliassaq UNIO-mit suliarineqalissaaq. UNIO-mut saaffiginnissutit ullut nalinginnaasut qulit ingerlanerani akineqarsinnaasarput.

Suliffeqarfiit nalilersorsinnaajumallugu UNIO paasissutissanik atortunilluunniit amigaateqarpat amigaatigineqartut nassiuteqqullugit piumaffigineqarsinnaavutit. Suliap suliarineqarnerani piffissaq atugassap qanoq sivisutiginissaa eqqarsaatigalugu tassani suna akuerineqassanersoq apeqqutaassaaq, soorlu suliffeqarfik akuerineqartinnagu iluarsisassaqarnersoq.

Suliffeqarfiup illutaa aaqqissugaaneraluunniit annertuumik allanngortissimagukku imaluunniit akuersissuteqarnermi tunngaviusut annertuumik allanngortinneqarpata aammalu suliffeqarfiup suliai allanngortinneqarpata suliffeqarfimmik piginnittutut akuersissummik nutaamik pissarsiniassaatit.

Suliffeqarfimmi inuussutissaleriffiusumi piginnittut allanngorpata tamanna Kalaallit Nunaanni Uumasut Nakorsaqarfik Inuussutissalerinermullu Oqartussaaffimmut (UNIO) nalunaarutigissavat.

Qinnuteqarneq ullulikkamik piffissalerneqanngilaq.

Aalajangiineq pillugu allakkat tiguneranit sapaatit akunneri sisamat qaangiutsinnagit aalajangiineq pillugu maalaaruteqarsinnaavutit.

Maalaaruteqarniaruit allakkatigut tamanna pissaaq qarasaasiaq atorlugu uunga nassiullugu apnn@nanoq.gl imaluunnit allakkerisarfikkut allakkat uunga nassiullugit:

Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Maalaarummi makku ilanngunneqassapput:

• Atit aamma attaveqarfissamut paasissutissat
• Suliffeqarfiup inuussutissaleriffiusup aqqa najugaqarfialu
• Suliap normua
• Maalaarutiginiakkavit suuneri

Maalaarutit piffissaliussaq qaanngiutsinnagu tiguneqareersimassaaq. Maalaarutit piffissaliussaq qaangiutereerneratigut tiguneqartut nalinginnaasumik suliarineqarneq ajorput.

• Suliffeqarfinnut inuussutissaleriffiusunut nakkutilliiartornerit

Inuussutissanik tunisassiorniaruit, assartuiniaruit, toqqorsivimmiititsiniaruit, tikisitsiniaruit aamma/imaluunniit tuniniaaniaruit suliffeqarfiit tamakkuninnga ingerlatsisinnaanissamut akuerineqarsimassaaq.

Suliffeqarfimmik inuussutissaleriffimmik ingerlatsilerniaruit suliffeqarfiit akuerineqarsimasariaqarpoq.

Suliffeqarfiit inuussutissalerinermik ingerlatsisut nunatsinni namminermi tunineqartussanik tunisassiortartut Kalaallit Nunaanni Uumasut Nakorsaqarfik Inuussutissalerinermullu Oqartussaaffimmit (UNIO) akuersissummik tunineqartarput.

Suliffeqarfiit inuussutissalerinermik ingerlatsisut nunanut allanut naasunit pisunik tunisassiorniartut (tassa tunisassiat naasunit nasulluunniit ilaannit sanaat, soorlu qeqqussat) UNIO-mit akuerineqarnissaat akisussaaffigineqarput.
Suliffeqarfiit inuussutissalerinermik ingerlatsisut nunanut allanut uumasunit pisunik tunisassiorniartut (tassa tunisassiat uunasunit uumasulluunniit ilaannit sanaat) Danmarkimi Fødevarestyrelsenimit (FVST) akuerineqarnissaat akisussaaffigineqarput.

Suliffeqarfiit inuussutissaleriffittut akueritinniarlugu qinnuteqarnissamut iliuusissatit uani atuarsinnaavatit.

Pingaarnertut tunisassiortunut piumasaqaatit
Piniartut, aalisartut. nunalerinermik inuussutissarsiuteqartut, inuussutissanillu naatitsisartut aammalu inuit suliffeqarfiillu inerittunik katersisartut pingaarnertut tunisassiortuupput. Pingaarnertut tunisassiortut suliffeqarfittut inuussutissaleriffittut akuerineqaqqaarsimanissaat piumasaqaataanngilaq. Assersuutigalugu piniartut/aalisartut aalisakkanik uummasumilluunniit pisaminnik namminneerlutik ilaatigooriarlutillu pisisartunut tuniniaasartut UNIO-mit akuersissummik pissarseqqaartariaqanngillat.

Taamaattorli piniartut/aalisartut inuussutissanik peqqissutsimut ulorianarsinnaasunik tassalu napparsimalissutaasinnaasunik tuniniaaqqusaanngillat.

Inuussutissalerinermik suliffeqarfittut ingerlatsinissamik akuerineqarnissamut qinnuteqarneq akeqanngilaq.

Suliffeqarfittut inuussutissaleriffittut akuerineqarnissamik qinnuteqaruit suliffeqarfivit suussusaa nalunaarutigissavat:

A) Kioski aamma niuertarfik nammineq tigooraasarfiusoq (nillataartunik qerisunillu tunisaqarneq ajortoq)
Suliffeqarfiit nerisassaleriffiusut taamaallaallu nerisassanik poortoriikkanik nillataartitsivimmiittussaanngitsunik qerititsivimmiittussaanngitsunilluunniit nioqquteqartartut.

B) Kioski aamma niuertarfik nammineq tigooraasarfiusoq (inuussutissaleriffiuneq ajortoq)
Suliffeqarfiit nerisassaleriffiusut nerisassanik poortoriikkanik tamanik nioqquteqarsinnaasut, aamma nerisassanik nillataartitsivimmiittussanik qerisunillu.

C) Kioski, niuertarfik, illinnartuliorfik, iffiorfik, neqaarniarfik (inuussutissanik assigiinngitsunik suliaqartartut)
1. Kioskit; nerisassanik poortoriikkanik kissaannarissanik nioqquteqarlutillu, nerisassiorlutillu nioqquteqarsinnaapput.
2. Niuertarfiit nammineq tigooqqaasarfiit; nerisassanik nalinginnaasunik poortoriikkanik tamanik nioqquteqarsinnaapput, kiisalu iffiukkanik, kaagilianik, neqinik aalisakkanillu illinniartulianik nerisassiorlutillu nioqquteqarsinnaapput.
3. Iffiortoq kaagiliortorlu; taamaallaat iffiukkanik kaaginillu, kiisalu nerisassat poortoriikkat ilaannik nioqquteqarsinnaapput.
4. Neqileriffik, illinnartuliorfik aamma qallersuusiorfik; taamaallaat neqinik aamma neqinit tunisassianik nerisassallu poortoriikkat ilaannik nerisassiorlutillu nioqquteqarsinnaapput.

D) Kantiina, sullissiveqarfinnut igaffiit igaffissuillu nerisassanik imigassanillu sassaallerfiusartut
Suliffeqarfiit nerisassaleriffiusut pisisartunut aalajangersimasunut tuniniaanissaq sassaallernissarluunniit siunertaralugit nerisassanik suliarineqanngitsunik poortoriikkanillu nerisassiorsinnaasut.

E) Nerisarfiit tamanut ammasut (soorlu neriniartarfiit, nerisassanik piariikkanik annissassanik pisiniartarfiit, pølseerniarfiit)
Suliffeqarfiit nerisassaleriffiusut nerisassanik suliarineqanngitsunik poortoriikkanillu nerisassiorsinnaasut, pisisartumut toqqaannartumik sassaalliutigisassatut tuniniagassatulluunniit siunertalimmik.

F) Toqqorsivik, nillataartitsivik qerititsivillu
Suliffeqarfiit nerisassaleriffiusut suliffeqarfinnut inuussutissalerisinnaanermut akuerisaasunut taamaallaat nerisassanik poortoriikkanik uninngasuuteqarlutillu assartuisartut.

G) Aalisakkanik suliffissuaq, toqoraavik, iffiorfik aamma panertitsivik
Suliffeqarfiit suliffeqarfinnut allanut inuinnarnulluunniit tunineqartussanik inuussutissaleriffiusartut.

• Suliffeqarfiit inuussutissanik nerisassiorlutillu sassaallertartut:
  Una toorlugu ilitsersuut takuguk
• Suliffeqarfiit inuussutissanik nerisassiorlutillu nioqquteqartartut.
  Una toorlugu ilitsersuut takuguk
• Niuertarfiit inuussutissanik tuniniaasartut
  Una toorlugu ilitsersuut takuguk

Suliffeqarfiit inuussutissanik nunatsinni namminermi tuniniarneqartussanik tunisassiorlunilu tuniniaasalerusuppat Kalaallit Nunaanni Uumasut Nakorsaqarfik Inuussutissalerinermullu Oqartussaqaaffimmut (UNIO) akuerineqarnissamik qinnuteqassaatit.

Inuussutissanik nunanut allanut tuniniarneqartussanik tunisassiulerusukkuit Danmarkimi Fødevarestyrelsi (FVST) saaffigissavat akuerineqarnissamillu qinnuteqarlutit.

Suliffeqarfimmik inuussutissaleriffimmik ingerlatsilernissamut akuerineqarnissamik qinnuteqaat (nunatsinni namminermi tuniniarneqartartussanik)
Suliffeqarfimmik inuussutissaleriffimmik ingerlatsilernissamut akuerineqassaguit qinnuteqaat immersoriarlugu atsioriarlugulu UNIO-mut nassiutissavat.

Una toorlugu qinnuteqarnissamut immersugassaq aasinnaavat

Qinnuteqaammut makku ilanngullugit nassiutissavatit:

1. Suliffeqarfiup titartarneqarnera.
2. Suliffeqarfiup nammineerluni nakkutilliisarnissamut pilersaarutaa.
3. Suliffeqarfiup suliarisartagassaannut nassuiaat.

Nammineerluni nakkutilliisarnissamut tunngasut uani annertunerusumik atuarlugit paasisaqarfigisinnaavatit: Nammineq nakkutilliineq pitsaasumillu suleriaaseqarneq

Suliffeqarfivit akuerineqarnissaanut atatillugu UNIO-mit nakkutilliiartortitamit pulaarneqassaatit imaluunniit suliffeqarfiup initaasa assitaanik UNIO-mut nassitsinissat piumasarineqarsinnaavoq.

Suliffeqarfivit inuussutissalerisinnaanissamut akuerineqarnissaanik qinnuteqaatit UNIO-mit tiguneqarpat suliassaq UNIO-mit suliarineqalissaaq. UNIO-mut saaffiginnissutit ullut nalinginnaasut qulit ingerlanerani akineqarsinnaasarput.

Suliffeqarfiit nalilersorsinnaajumallugu UNIO paasissutissanik atortunilluunniit amigaateqarpat amigaatigineqartut nassiuteqqullugit piumaffigineqarsinnaavutit. Suliap suliarineqarnerani piffissaq atugassap qanoq sivisutiginissaa eqqarsaatigalugu tassani suna akuerineqassanersoq apeqqutaassaaq, soorlu suliffeqarfik akuerineqartinnagu iluarsisassaqarnersoq.

Suliffeqarfiup illutaa aaqqissugaaneraluunniit annertuumik allanngortissimagukku imaluunniit akuersissuteqarnermi tunngaviusut annertuumik allanngortinneqarpata aammalu suliffeqarfiup suliai allanngortinneqarpata suliffeqarfimmik piginnittutut akuersissummik nutaamik pissarsiniassaatit.

Suliffeqarfimmi inuussutissaleriffiusumi piginnittut allanngorpata tamanna Kalaallit Nunaanni Uumasut Nakorsaqarfik Inuussutissalerinermullu Oqartussaaffimmut (UNIO) nalunaarutigissavat.

Qinnuteqarneq ullulikkamik piffissalerneqanngilaq.

Aalajangiineq pillugu allakkat tiguneranit sapaatit akunneri sisamat qaangiutsinnagit aalajangiineq pillugu maalaaruteqarsinnaavutit.

Maalaaruteqarniaruit allakkatigut tamanna pissaaq qarasaasiaq atorlugu uunga nassiullugu apnn@nanoq.gl imaluunnit allakkerisarfikkut allakkat uunga nassiullugit:

Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Maalaarummi makku ilanngunneqassapput:

• Atit aamma attaveqarfissamut paasissutissat
• Suliffeqarfiup inuussutissaleriffiusup aqqa najugaqarfialu
• Suliap normua
• Maalaarutiginiakkavit suuneri

Maalaarutit piffissaliussaq qaanngiutsinnagu tiguneqareersimassaaq. Maalaarutit piffissaliussaq qaangiutereerneratigut tiguneqartut nalinginnaasumik suliarineqarneq ajorput.

• Suliffeqarfinnut inuussutissaleriffiusunut nakkutilliiartornerit