airplanebooksbriefcase business cogs cross election entertainment fish house law lockmedicalpeopleselfservices socialtax

Inissiaq tuniniagaq: B-1115 Ikerasak

25. juni 2018

Matumuuna Avannaata Kommuniata tuniniarpaa B-1115,Ikerasak, Uummannaq, tamanut ammasumik, 1. august 2018 imaluunniit isumaqatigiissuteqarluni tiguneqartussanngorlugu.

Illu K-40 –mik taaguuteqarpoq, illullu angissuseraa 40 m2.1984-imi napparneqarluni. Aggorneraa igaffik, ini, anartarfik, torsuusaq aamma  sinittarfik ataaseq. Illu ukioq 2016-ip  naalernera tikillugu attartortittangaasimavoq.

Illu taama ittuutillugu, takuneratut pissusiatullu tunineqassaaq. Soqutiginnittutut pisiaqarniartup nammineq siunnersuisussaminik sulisussarsiornissaanik kaammattorneqarpoq.

Illu pisisussamit tamakkiisumik akisussaaffigineqartumik pigineqalissaaq, taamaallaat immikkoortortami illoqarfiup ilaanut pilersaarummi nalunaarsukkatut malittarisassanit allatullu inatsisaasunit killeqartinneqaannarluni.

Tunisinermut atatillugu aningaasartuutaasussat tamarmik pisisumit akilerneqassapput.

Avannaata Kommunia, Nunaqarfimmi Aqutsisut allaffiannut oqarasuaat 955077 imaluunniit e-mail byg_ikerasak@avannaata.gl saaffigalugu isumaqatigiissuteqarnikkut illumik takusaasoqarsinnaavoq.

Allakkatigut akissaanik taasilluni piserusunnermik nalunaarluni nassitsisoqarsaaq, akiminik taasaq qallunaat koruuniini Kr./DKK atorneqassaaq, ilanngunneqassaaq Bankip/ Aningaaserivimmiik akiliisinnaanermut akissallu immikkoortinneranut uppernarsaat. Ateq, najugaqarfik  aamma oqarasuaatip normua kiisalu e-mail allanneqassapput, nassiunneqarlutillu uunga :

Avannaata Kommunia, Postboks 200, 3961 Uummannaq, allakkat puuanni matoqqasumi, taamaallaat B-115 Ikerasak-imut neqeroorutaaneranik nalunaaqutserlungu.

Akissaanik taasilluni piserusunnermik nalunaarneq uatsinnut anngutereersimassaaq kingusinnerpaamik tallimanngorneq 27. juli 2018. Nal. 12:00

Neqeroorutaasoq utertinneqarsinnaanngilaq, piumasaqaatitaqarani nangaassutitaqaranilu.
Avannaata Kommuniata neqeroorutitut nassiussaasimasut tamaasa itigartitsissutiginissaanut imminut pisinnaatippoq.