airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommuniani suliniut Kivitsisami alloriarneq siulleq

6. juni 2019

Avannaata Kommuniani atuartunut Ipad-inik agguaaneq siulleq sapaatip akunnerani matumani pivoq.
Tamanna ingerlanneqarpoq Ilulissani meeqqat atuarfiini, meeqqat ilinniartitsisullu tamarmik atuarfimmiik ipad-inik agguaassiffigineqarput.

Suliniut Kivitsisa Kalaallit Nunaanni kommuunit tamarmik ingerlappaat.
Piviusunngortinniagaq pingasunik immikkoortortaqarpoq: Pisinnaanngorsaaneq, imaa kiisalu atortorissaarutit. Allatut oqaatigalugu ilaatigut imaraa inerisaaneq, suleriutsinik nutaanik atuilerneq, ilinniartitsisunik pisortanillu annertuumik piginnaanngorsaaneq, qarasaasiaqarnikkut patajaallisaaneq, atuarfinni qarasaasiaqarnerup eqaallisarnera, minnerunngitsumillu Nunatsinni atuartunut tamanut ipad-inik agguaanissaq.
Kivitsisap anguniarpaa meeqqat atuarfiini angusat pitsannguuteqassasut, meeqqat atuarfiini naammassisut ilinniarfinnut ingerlariaqqittartut amerlatseriarnissaat aammalu meeqqat atuarfiinut attuumassutilinnik suliaqartut piginnaanngorsarnissaat.

Avannaata Kommuniani pilersaarutaavoq, suliniummi atortorissaarutit ukiuni pingasuni agguaanneqassasut.
2019-imi Ilulissani atuarfiit tamarmik ipad-itaassapput, kiisalu Saqqaq nunaqarfinni siullertut misilittaavittut.
2020-imi tulliuttut tassaallutik Uummannaq, Upernavik, kiisalu Uummannap Ilulissallu eqqaaniitsut nunaqarfiit.
2021-mi Upernaviup eqqaaniitsut nunaqarfiit aammalu Qaanaaq nunaqarfiilu.

Suliniummi atortorissaarutit piareersarneri qaammatini arlalinni ingerlareerluni, Ilulissani agguaanerit ingerlanneqarput.
Suliaq piareersarnerani, Avannaata Kommuniani IT-lerisut, Peroriartortitsinermut Ingerlatsivik aammalu meeqqat atuarfiini sulisut, suleqatigiillutik ingerlappaat. Ilaatigut ilinniartitsisut tamarmik piginnanngorsaaneq ipaq qanoq atuartitsinermi atorsinnaaneranik pikkorissarlutik.

Meeqqat ilinniartitsisisullu qilanaarsimapput, maannalu ipad atorluarneqalereerluni.