airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommuniani Siumut borgmesteriutitaqaannassaaq

Siumut suli ukiut sisamat borgmesteriutitaqarnissani qulakkeerpaa, ippassaq qinersinerup kingorna. Naak 2017-imi kommunemut qinersinermut naleqqiulluni 2,5 procentinik kinguarsimagaluarluni suli taasisartut affaannit taaneqarsimapput.
7. april 2021

Kommunimi taasisimasunit Siumut marlunngorneq apriilip arfernat qinersinermi 2519-inik taaneqarput imaluunniit procentinngorlugu 46,2 %. Kommunimi partii annerpaap tullia Inuit Ataqatigiit 920-inik taaneqarput, tassa procentinngorlugu 16.9%.

Siumumi taaneqartut affangajaat, 1220-t, qineqqusaartut nutaajupput taakku qinersinermi kingullermi qineqqusaarsimanngillat. Kisianni taasa qineqqusaartoq ataaseq immikkut isiginiarneqarpoq Siumumut taasisunut qulakkeerinnittutut. Minik Høegh-Dam tassaavoq Avannaata Kommuniani 406-inik qinerneqarnerpaasoq.

Avannaata Kommuniani kommunimut qinersinermi qinerneqarnerpaat qulit

(S) Minik Hoegh-Dam                                       406

(A) Aqqalu Clasen Jerimiassen                       349

(S) Palle Jerimiassen                                        338

(D) Lena Ravn Davidsen                                   233

(D) Nivi Olsen                                                     219

(N) Jens Napâtok                                              213

(IA) Bendt B. Kristiansen                                  189

(S) Sakio Fleischer                                            135

(S) Inuutersuaq Løvstrøm                                128

(S) Elisebeth Nielsen                                        127