airplanebooksbriefcase business cogs cross election entertainment fish house law lockmedicalpeopleselfservices socialtax

Itisuarsummi talittarfiliornissami ataatsimoortillugit illuliassat sanaartorneqarnissaannut suliniutissatut qinnuteqaat

Matumuuna Avannaata Kommuniata nalunaarutigaa sumiiffiup ilaa 1200-C19, Ilulissat, pillugu talittarfiliorluni ataatsimoortillugit illuliassanut tunngatillugu suliniutissatut siunnersuummik tigusaqarsimalluni.

Nalunaaruteqarnermut piffissaq tassaavoq 27.09.2022-imiit 08.11.2022 tikillugu ilanngullugulu.
26. september 2022

Teknikkeqarnermut ataatsimiititaliap Ilulissani talittarfiliorluni ataatsimoortillugit illuliassanut tunngatillugu suliniutissatut siunnersuutip tapersersornissaa toqqarsimavaa. Pilersaarutitut tunngavigineqartup allanngortinnginnerani suliniutissatut siunnersuut nalunaarutigineqarpoq. Una nalunaarutiginninneq Inatsisartut inatsisaat nr. 34 9. december 2015-imeersoq naapertorlugu suliarineqarsimavoq, tamatumani Kommunalbestyrelsi sumiiffiup ilaa pillugu pilersaarutitut tunngaviit suliarineqannginnerini atuisinnaanermik pisinnaatitaanerup nalunaarutiginissaanut periarfissinneqarpoq.

Suliniummut qinnuteqaat

Suliniut ima imaqarpoq
Disko Bay Seagate A/S-ip itisuarsummi talittarfiliorluni ataartsimoortillugit illuliorluni sanaartortitserusuppoq, siunertaavoq suliffeqarfissuarmut atasuusunut ukununnga sanaartorneqartussat attartortinneqarnissaat: Disko Line, Blue Ice Explorer aammalu Nuuk Water Taxi. Suliniummut isumassarsiaasoq tassaavoq ingerlatsinermi atugassarititanik pitsanngorsaanissaq, aammattaaq ilaasunut, Disko Line-p ilaasartaataanut tulluarsakkamik talittarfeqarnissaq, aammattaaq ilaasussat ikiartortarfissaannik peqalernissaq.

2023 upernaakkut Namminersorlutik Oqartussat ukiuni qulini sullissinissamik isumaqatigiissuteqarfiginera aallaavigalugu Disko Line-p umiarsuaq sikusiuut sisaasoq 36 meterinik takigisisoq singittussaavaa. Umiarsualivik ulikkaaqqammat Disko Line-p umiarsuartaassaata tulatsinnissaanut Ilulissani maannakkut talittarfiusumi inissaqanngilaq. Taamaattumik Disko Bay Seagate A/S-ip Itisuarsummi ataatsimoortillugit illuliornissani kissaatigaa, taamaalilluni Disko Line-p ilaasartaatai tamarmik inissaqaler-niassammata.

Suliniummut aammattaaq ilaapput aqqutissat, tankeqarfik, kivittaat, allaffik sulisu-nullu inissiat.

Suliniutissatut siunnersuutit allat
Nalunaaruteqarnerup nalaani ilissi innuttaasutut inuussutissarsiortutullu maanna sumiiffiup ilaa pillugu siunnersuutinik allanik nassiussinissassinnut periarfissaqalerpusi, soorluttaaq nalunaaruteqarnerup nalaani allanik oqaaseqaateqarnissassinnut periarfissaqartinneqartusi. Suliniummut siunnersuutit allaanerusut aammalu oqaaseqaatit suliniummut siunnersuummut tiguneqarsimasumut nunaminertamik tunniussinnginnermi Kommunalbestyrelsimit suliarineqassapput. Tamatuma kingorna kommunimut pilersaarumut ilassummik suliarinnittoqassaaq. Suliniummut siunnersuuteqartoqartoqassappat piumasaqaataavoq siunnersuutit talittarfimmi qitiusumik ingerlatsinermi siunertanut atorneqarsinnaasunik siunertalinnik illunut sanaartornermullu tunngassasut.

Qinnuteqaatit tamarmik makkuninnga imaqassapput
1. Isumassarsiaq qanorlu atorneqarnissaanut paasissutissat
2. Ilusissamut siunnersuut sanaartugassap inissisimaffissaanik, isikkussaanik atortussanillu nassuiaasoq.
3. Teknikkikkut sanaartukkat/ikkussukkat pillugit paasissutissat
4. Biilit angallannerinut sunniutaasinnaasunik paasissutissiineq, ilaatigut biilinut inissiisarfiit pisariaqartinneqartut inissinneqarnissaat
5. Pilersitsinissamut piffissaliussatut pilersaarutit pingaarnerit
6. Aningaasaqarneq pillugu paasissutissat qinnutigineqartup piviusunngortinneqarsinnaaneranik uppernarsaasut

Piffissamut aamma sanaartornissamut pilersaarutit
Ulloq 27.09.2022-miik suliniutitut siunnersuutinut illuatungiliusinnaasunik sumiiffiup immikkoortortaa pillugu nassiussisoqarsinnaavoq, suliniullu nalunaarutaasoq pillugu oqaaseqaatinut.
Ulloq 08.11.2022 nal.16.00 suliniutitut siunnersuutit oqaaseqaatillu tigunissaannut killingititaavoq.

Siunnersorneqarusukkuit ilitsersorneqarusukkuillu Pilersaarusiornermut Immikkoortortaqarfimmut ukua atorlugit saaffiginnissinnaavutit: Oqarasuaat 701800 imaluunniit mail una allaffigalugu:plania@avannaata.gl.