Avannaata Kommuniani 2024-imi sanaartugassat arlallit aningaasaliiffigineqarput. Aningaasat atugassat 86 mio. kr.-it kommunalbestyrelsip pingaarnersiuilluni sanaartugassanut immikkoortiterpai, taamaalilluni sanaartukkat ingerlareersut naammassisinnaaqqullugit nutaallu aallartinneqarsinnaaqqullugit. Ilaatigut ilinniartitsisut illussaat, kuuffissuit, ulluunerani paaqqinnittarfiit atortuutinillu pisiortorneq, assersuutigalugu Upernaviup eqqaani nunaqarfinnut snescooterinik pingasunik pisineq.
2024-imi sanaartugassat nutaat aallartinneqassapput. Assersuutigalugu Siorapalummi kuussuup qarsutsisarnera iluarsiiviginiarneqassaaq, Aappilattumi eqqaavissuaq imaarneqassalluni Nuussuarmilu ilinniartitsisup illussaa sananeqassalluni. Qaanaami inuusuttut klubbiat nutarterneqassaaq aammalu illoqarfinni nunaqarfinnilu aqqusinigissaasoqarlunilu aqqusinernik asfalterisoqassaaq.
Sanaartugassat arlallit pillugit isumaqatigiissusiortoqareerpoq. Assersuutigalugu Ilulissani sunngiffimmi ornittagaq, Saattuni ilinniartitsisut illussaat, Uummannami sanaartorfissagissaaneq aamma Tasiusami ulluunerani paaqqinnittarfik.
2024-imi sanaartugassat nunap immikkoortortai inuttussusiilu aallaavigalugit pingaarnersigaapput. Matuma ataani takusinnaavatit sanaartugassat suut naammassineqartussaallutilluunniit aallartinneqartussaanersut.
Ilulissat – 26,4 mio. kr.
Fritidshjem, Ilulissat
Akuleriinnut paaqqinnittarfik, Ilulissat
Mittarfiup tungaanut aqqusineq, Ilulissat
Sanaartorfissagissaaneq, Ilulissat
Uummannaq – 12,4 mio. kr.
Kuuffissuarnik iluarsaassineq, Uummannaq
Ilinniartitsisut illui marluk, Saattut
Sanaartorfissagissaaneq, Uummannaq
Aqqusinernik asfaltilersuineq, Uummannaq
Sullissivik, Qaarsut
Arsaattarfiit ivigaasaaqqanik qallikkat, Saattut + Ikerasak
Upernavik – 14,5 mio. kr.
Ulluunerani paaqqinnittarfik, Tasiusaq
Illu sullivik, Upernavik Kujalleq
Ilinniartitsisup illua, Nuussuaq
Elevatori, Utoqqaat illuat, Upernavik
Eqqaavissuup imaarnera, Aappilattoq
Sanaartorfissagissaaneq, Upernavik
Qaanaaq – 4,5 mio. kr.
Aqqusinigissaaneq, Qaanaaq
Ungdomsklubbi, Qaanaaq
Kuussuup qarsutsisarneranik isumannaallisaaneq, Siorapaluk
Ruujorinik iluarsaassineq. atuartut angerlarsimaffiat + utoqqaat illuat
Atuarfiup iluarsaanneqarnera, Qaanaaq
Ataatsimoorussat – 26,4 mio. kr.
Avatangiisinut aningaasaateqarfik
Qamutit motoorillit, eqqagassalerineq + snescooterit sisamat
Kommunip illuutaanik aserfallatsaaliuineq
Nunaqarfinni aqqusinigissaaneq, ilaatigut Qeqertami
Qatserutaasiviit
Utoqqaat illuat, Ilulissat
Nunaqarfinni timersortarfeeqqanik sanajuminartunik titartaasitsineq
2024-imi sanaartugassanut aningaasaliissutit tamakkerlugit atorneqanngeriataassagaluarpata, sinneruttut Avannaata Kommuniani sanaartornermut aserfallatsaaliuinermullu aningaasaateqarfittaamut ikineqarumaarput.
Kommunalbestyrelsip ataatsimiinnerani imaqarniliani sanaartugassat ataasiakkaat pillugit annertunerusumik paasisaqarsinnaavutit Oqaluuserisassat imaqarniliallu (avannaata.gl)