Kommunimut pilersaarummut tapiliussaq nr. 15: "Inuussutissarsiuteqarfik Ilulissat Avannaa" 1200-B04 akuerineqarpoq.
Kommune-mut pilersaarummut ilassut tamanut saqqummiunneqarpoq 04.04.2024, ullormiillu tassanngaannik kommune-mut pilersaarummkut ilassut inatsisitigut atuutilerluni.
Kommunimut pilersaarummut tapiliussaq uani link-imi atuarneqarsinnaavoq: bit.ly/B04-OB
Kommunimut pilersaarummut tapiliussap aallaavigaa Ilulissat Avannaatungaani ineriartortitsinissamik pilersaarut, nunaminertarlu inuussutissarsiornermut siunertanut atorneqarsinnaasoq anginerusoq periarfissiissutigalugu, Immikkoortortaq B04, mittarfimmut aqqusernup eqqaavissuullu akornanni suli sanaartorfiunngitsumiitsoq.
Kommunip pilersaarutaata tapiata siunertaa
Inuutissarsiorfimmut sumiiffiup iluani ilioqqaanernut sanaartornernullu nunaminertat, kiisalu aqqusinissanut atugassiissutit qularnaarneqassapput, tamatumunngalu ataatsimut isiginnilluni pilersaarusiorneq aallaaviussaaq,
taamaalilluni sumiiffik sapinngisamik tulluarnerpaamik iluaqutaaniassammat.
Illuliorfissat suli inuttaqanngitsut ukioq manna kingusinnerusukkut saqqumiunneqarumaarput.
Ukiup matuma affaata siulliup ingerlanerani illuliorfissat qinnutigineqarsinnaasut saqqummiunneqarumaarput. Tamanna isumaqarpoq, tamanut saqqummiunnissaat sioqqullugu, tamaani illuliorfissat nutaat qinnutigineqarsinnaanngillat. Taamanikkussamut illuliorfissat qinnutigineqarsinnaasut qasertumik nalunaaqutserneqarumaarput, pilersaarutillu immikkoortortaani siullermiissallutik (etape 1.)
Illuliorfissat sanaartorfissagissaanermut akiligassartaqassapput, soorlu tamanna kommunimut pilersaarummut tapiliussami takuneqarsinnaasoq. Apeqqutissaqaruit Pilersaarusiornermut immikkoortortaqarfik saaffigisinnaavat. Pilersaarusiornermut immikkoortortaqarfik attavigineqarsinnaavoq Plan@avannaata.gl- imut allalluni.