Nalornisoortoqannginnissaa pillugu allattoqarfik angalanissamut ilitsersuut suliarissavaa, Kommunalbestyrelsip ilaasortaanut atuuttussaq, Kommunalbestyrelsimi ilaasortat atuuffimminnut atatillugu angalanerminni, aamma ataatsimiititaliani ataavartuni ilaasortaanerminni.
Tunngaviusumik angalanerit makku pineqarput, ataatsimiinnissaq pillugu angalanerit, politikkikkut ullorsiutini takuneqarsinnaasutut. Tamakku saniatigut Kommunalbestyrelsip Borgmesteri allattoqarfillu pisinnaatippai, Kommunalbestyrelsimi ilaasortat atuuffimminnut atatillugu angalanissaat akuersissutigisinnaagaat.
Tunngaviusumik tamatigut akikinneq naleqqunnerpaallu atorlugit angalasoqartassasoq, soorlu aamma unnuiffissat akikinnerit naleqqunnerpaallu atorneqartassasut, atuuffinnut tunngatillugu angalanerni unnuisoqassatillugu. Atuuffimmut atatillugu angalasunut periarfissaavoq, allamik bilitsisinissaq unnuiffissarsinissarluunniit akissaata nikingassutaa nammineq akilerneratigut aamma aallannginnermi akilereerneratigut.