airplanebooksbriefcase business cogs cross election entertainment fish house law lockmedicalpeopleselfservices socialtax

Aaqqissuussinerit annertunerit taamaatinneqartut

Ilulissani coronamik tunillatsissimasut arfinillit paasineqarnerisa kingorna Avannaata Kommuniani innuttaasut tamarmik aaqqissuussanik annertuunik taamaatitseqquneqarput. Atuarfiit, ulluunerni paaqqinnittarfiit atuagaateqarfiillu aammaannassapput.
21. december 2020

- Coronamik tunillatsissimasut arfinillit Ilulissani paasineqarnerisa kingorna mianersorpallaarsinnaanngilagut. Taamaammat peqatigiiffiit, suliffeqarfiit allallu annertuumik katersuuffiusinnaasumik aaqqissuussaqartut aaqqissuussaminnik taamaatitsissasut kaammattorpagut, borgmesteri Palle Jerimiassen oqarpoq.

 

Atuarfiit, meeqqeriviit assigisaallu ammaannassapput.

 

- Angajoqqaat atuartuutillit, meeraaqqerivinniittuutillit meeqqerivinniittuutillillu coronamik tunillatsissimasut arfinillit Ilulissani paasineqareernerisa kingorna sianertalerput paasiniaallutillu qanoq iliussanerlutik, Aka Grønvold Ilinniarnermut ingerlatsivimmi pisortaq oqarpoq nangillunilu:

 

- Atuarfiit, meeraaqqeriviit, meeqqeriviit, atuagaateqarfiit aamma timersortarfiit nalinginnaasumik ammaannassapput. Kommunip suliffeqarfiutaani tamani sulisut tuniluuttoqarnissaa pinaveersaarniarlugu nakorsaaneqarfimmit innersuussutinik maleqqissaarinnissapput. Aamma atuarfinniit atuartut agguataarlugit juullip tungaanut naalagiarnissat ingerlatiinnarneqassapput.

 

Allattoq: Káte Hansen, khan@avannaata.gl