Ukioq manna naapeqatigiinnermi annertunertut pineqarput atuarfinni anguniakkat iliuusissamik pilersaarusiorneri, atuarfinni pimmatiginninnermut iliuusissamik pilersaarutip nalilernera, atuartitsinermi pitsaassutsikkut qulakkeerinninneq kiisalu on-linekkut atuartut allaffissornertaanut, eqaatsumik skemaliornermut kiisalu ilinniartitsisut sulinermi tiimiinut tunngasunik pikkorissarnerit ingerlanneqarlutik.
Atuarfinni anguniakkanut iliuusissamik pilersaarut suliarinissaanut aallarniutitut saqqummiunneqarpoq Avannaata Kommuniata Pilersaarutitut Periusissiaa 2020 borgmester Palle Jerimiassen aamma Maria Blichfeldt Petersen saqqummiisoralugit.
Sapaatip akunnera tamaat atuarfinni pisortat sammisanik pimoorussipput, oqallittarlutik misilittakkaminnillu avitseqatigiillutik.
Allattoq assiliisorlu: Ane Solveig Hansen, Atuarfeqarfinnut Misi-Avannaanullu pisortaq, Ilinniarnermut Ingerlatsivik