Kommunep pilersaarutaanut tapiliussaq nr. 24 suliassatut siunnersuutip Hotel Icefiord-iminngaanneertoq toqqammavigalugu nalunaarutigineqarsimavoq. link
Hotel Icefiord nalunnguartarfiliornissani innuttaasunullu illussamik ilaatigut anartarfittalimmik, saunartarfittalimmik teknikrumitalimmillu sananissaminut kissaateqarpoq. Tamatuma saniatigut talittarfittut ikaartarfik pioreersoq nutarterniarpaa aammalu hotelip taassumalu akornani talittarfimmik allamik sanarusulluni.
Kommunep pilersaarutaanut tapiliussaq nr. 24 innuttaasunut tusarniaatitut saqqummiunneqarpoq piffissami: 18.6.2021 minngaannit 30.07.2021 ilanngullugu
Kommunep pilersaarutaanut tapiliussap siunertarivaa
Hotelip atortorissaarutaisa allinissaanut periarfissinnissaa, taassumalu ikaartarfiup pisoqqap atulernissaa ilanngullugulu illoqarfimmut attaveqalernissaa qulakkeerniarlugu pilersaarutip siunertarivaa.
Innuttaasunut tusarniaaneq
Kommunep pilersaarutaanut tapiliussap tusarniarneqarnera sapaatit akunneranik arfinilinnik sivisussuseqarpoq. Piffissami tassani – innuttaasut, suliffeqarfiit, peqatigiiffiit il. il. – akerliliisinnaapput, naqqiuteqarsinnaapput allannguutinillu siunnersuisinnaapput.
Kommunep pilersaarutaata nittartagaanut tusarniaaneranut toqqaannartumik akissuteqarsinnaavutit.
(https://kommuneplania.avannaata.gl/tusarniaanerit/) imaluunniit mail-ikkut uunga plania@avannaata.gl. Aamma akissutit illoqarfinni Sullissivimmut tunniussinnaavat imaluunniit kommunemut nassiusinnaavat.
Tusarniarneqareerpat kommuneqarfimmik aqutsisut akerliliinnerit allannguutitullu siunnersuutaasimasinnaasut suliarissuaat, tamatuma kingorna siunnersuut naggataarutaasumik aalajangiunneqassaaq.
Tusarniaanermut akerlileerusukkuit naqqiuteqarusukkuilluunniit kingusinnerpaamik kommunep tigorissuai ulloq 30.07.2021.
Ilitsersuut
Siunnersuut ilitsersuutillu Pilersaarusiornermi immikkoortortaqarfiata oqarasuaataanut: 387717 imaluunniit: plan@avannaata.gl saaffiginninnikkut piniarneqarsinnaavoq.