Ilulissani atuartut angerlarsimaffiat nutaaq atoqqaartinneqarmat nerisassanik tiguinnarissanik, kaaginik sodavandinillu sassaallertoqarpoq.
Siorngatigut Ilimanamiit, Oqaatsuniit, Qeqertamiit aamma Saqqamiit atuartut 8 kl. -mi atuartussanngoraangamik Aasiannut atuariartortariaqartarput. Maannakkut tamanna unippoq, tassami ukiut arfinillit utaqqisoqareersorlu Ilulissani atuartunut angerlarsimaffiup nutaap atuartunut nunaqarfinneersunut matuni ammarpai.
”Nuannaarutigaarput tulluusimaarutigalugulu atuartut angerlarsimaffiata nutaap matuisa
ammersinnaalerneri. Aasaq manna nunaqarfinnut angalavunga meeqqallu angajoqqaavi oqaloqatigisarlugit, taamaalilluta immitsinnut ilisarisimalerniassagatta. Angajoqqaat nuannaarutigaat meeqqamik ungasissumut aallartussaajunnaarneri ilaquttaminnullu qanittumiilerneri”, taama oqaluttuarpoq Nivi K. Amossen, atuartut angerlarsimaffiani nutaami pisortaq.
Stina-Rina Møller 15-nik ukiulik Qeqertameersuusoq meeqqat 16-nit Ilulissani najugaqalersussat ilangaat.”Aasianniit pitsaanerusorujussuuvoq, Aasiannimi anartarfiit uffarfiillu pitsaavallaannginnamik, taamaammat maani najugaqalernera nuannarisorujussuuvara. Aammami kammalaatikka qanillivakka” taama oqarpoq Stina-Rina Møller.
Atuartunut 21-nut inissaqarpoq atuartullu angerlarsimaffiat 1. November aallarnerfigalugu Atuarfik Jørgen Brønlund-mut attaveqalissaaq.
Allattoq assiliissorlu: Nita Larsen njla@avannaata.gl
