Kommunalbestyrelsi Avannaata Kommuniani novembarip aallaqqaataani Upernaviup avannaani sanaartorfigiuminarsaanissaq nutaaq akuersissutigivaa, ullullu arlalialunnguit qaangiummata isumaqatigiissut atsiorlugu. Sanaartorfigiuminarsaanissamik nutaamik KJ Greenland siuttuussaaq.
Aqquserngup siunissami inuussutissarsiortut suliffissaqalersissuaat, illuliorfissaqalissaaq aammalu tigooraaffissamut nutaamut piffissaqalersillugu.
”Sanaartorfigiuminarsaaneq nutaaq pisariaqartinneqarpoq. Siunissami Upernavik inuussutissarsiorfeqalissaaq – illuliorfissaqalissaaq aammalu tigooraaveqalissaaq”, sanaartornermi pisortaq, Mogens Holmegaard Mortensen, oqaluttuarpoq.
Sanaartorfigiuminarsaanerup aamma illuliorfigineqarsinnaasumik nutaamik tikikkuminartuusussamik periarfissiissaaq. Aamma illoqarfimmi torersaanissaq periarfissaassaaq, tassani containerit arlallit suliffeqarfimmi nutaami aalajangersimasumik inissaqalissammata, sanaartornermi pisortaq, Mogens Holmegaard Mortensen nassuiaavoq.
Tigooraavissaq nutaaq aamma titartakkamiippoq, taassuma sananeqarluni aallartinneqarnissaa pissaaq aqqusinniorneq inerpat, taamaasippat illoqarfiup ilimagissavaa nutaaliaanerusumik aaqqiisoqarnissaa eqqaakkanik aqutsineq eqqarsaatigalugu.
Eqqakkanik aqutsineq sivisuumik Upernavimmi ajornartorsiutaanikuuvoq, massakkut eqqaavissuaq angivallaanngimmat aammalu illunut qanippallaarluni.
Sanaartorfigiuminarsaaneq nutaaq 2023-mi piareerneqarnissaa naatsorsuutigineqarpoq.
Allattoq: Nita Jul Larsen Njla@avannaata.gl
