airplanebooksbriefcase business cogs cross election entertainment fish house law lockmedicalpeopleselfservices socialtax

Kommunimut pilersaarummut ilanngussaq nr. 25, Ilulissani Akunnittarfik Søma-p allilerneqarnissaanut periarfissiisoq, akuerineqarpoq

Kommunimut pilersaarummut ilassut pisortatigoortumik nalunaarutigineqarpoq 13.12.2022, ullormiillu tassanngaanniit kommunimut pilersaarummut ilanngussaq inatsisitigut atortussanngortinneqarluni.
13. december 2022

Kommunimut pilersaarummut tapiliussaq nr. 25

 

Kommunimut pilersaarummut ilanngussap siunertaa

Kommunimut pilersaarummut ilanngussap siunertaa tassaavoq sumiiffiup ilaa A29.3 pillugu aalajangersakkat aalajangiunnissaat, taamaalilluni akunnittarfiup allilerneqar-nissaanut tigussaasumik periarfissaq ammaanneqarniassammat. Akunnittarfiup alli-lerneqarnissaa nunaminertami siornatigut quleriinnik inissialiorfissatut pilersaarutaa-simasumut inissinneqassaaq.

 

Naalagaaffiup iluani Umiartortunik Ajoqersuisuniit suliniummut qinnuteqaat tunulia-qutaralugu Kommunimut pilersaarummut ilassut suliarineqarnikuuvoq. Pilersaarusiorneq aamma nunaminertat atorneqartarnerat pillugit Inatsisartut inatsisaanni § 45a naapertorlugu akunnittarfiup allilerneqarnisaanut suliniummut qinnuteqaat ulloq 7. juli 2020-miit 18. august 2020 tikillugu
nalunaarutigineqarpoq.

Tusarniaanerup nalaani suliniummut qinnuteqaat pillugu akerliliinernik oqaaseqaatinilluunniit tigusaqartoqarnikuunngilaq, aammattaaq suliniummut siunnersuummik allaanerusumik tigusaqartoqarnikuunani. Kommunalbestyrelsip suliniummut nunaminertamik inniminniinerup nalunaarutigineqarnissaa aalajangerpaa, aammattaaq kommunimut pilersaarummut ilanngussap suliarineratigut nunaminertamik tunniussinikkut alliliinissamik kissaateqarnermi pilersaarusiornissamut tunngavissatut pisariaqartinneqartoq aqqutissiuukkumallugu.