Kommunip pilersaarutaanut tapiut nr. 38-mut siunnersuut piffissami 30.11.2022-miit 25.01.2023-mut tamanut tusarniutigineqarpoq.
Kommunimut pilersaarummut tapiliussaq nr. 38
Kommunip pilersaarutaata tapiata siunertaa
Kommunip pilersaarutaata tapianiippoq Eqip Sermiata eqqaani, Kalaallit Nunaanni sermini iigartartup eqqaani sumiiffik sukisaarsartarfik. Sumiiffik nunaannaap ilaaniittoq Ilulissat avannaani 70 km-it missaannik ungasussisilimmiippoq, takornariallu nuannaralugu ornigartarfigaat.
Kommunip pilersaarutaata tapiata siunertaa tassaavoq illunik ingerlatsivinnillu nutaanik sanaartornissamut periarfissamik qularnaarinissaq. Piviusutigut takornarianut illuaqqanik tuperfissanillu nutaanik sanaartornissamut periarfissanik qulakkeerisoqassaaq, taakkununnga ilaallutik kiffartuussinermut ataatsimoorfissatullu illut, kiisalu perusuersarnermut, imeqarnermut nukissiornermullu ingerlatsiviit. Kiisalu sumiiffimmi avannaq-kujammut inissisimaffilimmut Sermersuarmut pisuinnaat aqqutaannik atuuttooreersumik sanaartunnginnissaq pilersaarutip qularnaassavaa.
Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plania@avannaata.gl. Aamma akissuteqaatit najukkanni Sullissivimmut imalunniit kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqarsinnaalissaaq.
Tusarniaanermut akerliussutissaqaruit imaluunniit oqaaseqaatissaqaruit taakku kingusinnerpaamik kommunimit tiguneqareersimassapput ulloq 25.01.2023.