Nakkutilliinermi atortorissaarutinik Schweiz-imeersunik kommuni misilittaalereerpoq, Uummannap eqqaani Karrani Kigarsimaneranilu qaqqanik sisoortoqarsinnaaneranik nalunaarsuutinik, angalaqatigiillu atortorissaarutinik tamakkuninnga suliffeqarfik nioqquteqartoq pulaarsimavaat paasissutissanillu atortorissaarutinit tamakkunannga katersorneqartartunik suliaqartartut oqaloqatigalugit.
”Pingaaruteqarpoq qaqqanik sisooratarsinnaasunik nakkutilliinerput pitsanngortuassallugu, paasissutissanillu katersilluta nunanilu allani ilisimatuut suliffeqarfiillu tamakku pillugit immikkut ilisimasallit suleqatigissallugit. Taamaaliornitsigut qulakkeerniarsinnaavarput kommunitsinni innuttaasunik sapinngisamik pitsaanerpaamik illersuisinnaanissarput” taama oqarpoq Avannaata Kommuniani borgmesteri Palle Jerimiassen.
Paasisassarsiorluni angalanermi peqataavoq 2. viceborgmester Sako Fleischer (S) angalanermilu ilaatigut qaqqarsuaq Spitze Stei tikinneqarpoq, tamanna Schweiz-imi qaqqat nunamik apummillu sisoorfiusartut ilagimmassuk.
ATUARUK paasisaqarfiumanerullugu Uummannap eqqaani qaqqani nunamik sisoortoqarsinnaanerik aarlerineq aammalu illit nammineq qanoq iliorsinnaanersutit tassaarsuartoqassangaluarpat, tassaarsuartoqarnerata nalaani kingornalu. (LINK)
Angalaneq Namminersorlutik Oqartussanit aaqqissuunneqarpoq suleqatigalugit Schweiz-imi Polarinstitut, Geneve-mi Universiteti aamma Schweiz-imi nunanut allanut naalakkersuisoqarfik.
Schweiz-imut april 2023-imi paasisassarsiornermi peqataapput:
Avannaata Kommunia
Departementet for Landbrug, Selvforsyning, Energi og Miljø
Departement for Råstoffer og Justitsområde
Ilisimatusarfik, Nuuk
Swiss Polarinstitut
Geneve Universitet
Schweizisk Departement for udenrigsanliggende.