Kommunip pilersaarutaanut tapiliussap siunertaa
Pilersaarummi qulequttat arlallit sammineqarput. Qulequttat tamakku ilaatigut makkuullutik inuussutissarsiuteqarnermut umiarsualiveqarnermullu tunngasut, kultooreqarnermut sunngiffimmullu tunngasut, illoqarfimmi qitiu-soqarfinnik inerisaaneq, najugaqarfinnik inerisaaneq, illoqarfiup immikkoor-tortaanik nutaanik inerisaaneq. Ilaatigut tikkuarneqarpoq illoqarfiup avan-namut kitaatungaani inuussutissarsiutilinnut nunaminertaq piukkunneqar-toq, taamatullu Kangerloqqissup malinnut assiaquserneqarnissaa, taamaa-liornikkut umiatsiaatilinnut atugassarititaasut pitsaanngorsarumallugit. Piler-saarummi aamma sammineqarpoq imeqarfiup illersorneqarnissaanut kille-qarfiup atorunnaarsinneqarsinnaanera, tamaanilu illoqarfiup qeqqanut qanit-tumi najugaqarfinnik sanaartortoqarsinnaanera. Ullumikkut illoqarfiup inissi-simaffigisaani najugaqarfiit amerlisinneqarsinnaaneri takujuminarsaanerlu sammineqarput, soorlu illut aserfallallutik isateriaannanngorsimasut peeriar-lugit toqqaviisigut nutaanik sanaartortoqarsinnaanera tikkuarneqarluni.
Kultoori sammineqarpoq, ilaatigut siunnersuutigineqarluni B-02 kultoorip illuatut allaaserineqarluni, taamatullu illoqarfimmi qaammaqqusersuinissaq. Pilersaarusiornermilu tunngavigineqartut ilagaat, illoqarfiup iluani pisuinnar-tut aqqutit aqquserngillu pitsanngorsarneqarnissaat, illoqarfik imminut ata-qatigiinnerulersillugu.
Uummannap ineriartortinneqarnissaa pillugu pilersaarusiamik kingusinneru-sukkut aalajangiisoqarpat, taava illoqarfik allassimasunik ataatsimoortunik peqalissaaq, siunissami periarfissat takorluukkallu allassimaffiinik. Taakku atorneqarsinnaajumaarput illoqarfiup ineriartorteqqinneqarnerani, ilaatigut kommunip pilersaarutaanut ilanngunneqarneratigut.
Uummannap illoqarfiata ineriartortinneqarnissaanut pilersaarummut” siun-nersuut piffissami: 28.06.2023-miit 23.08.2023 ilanngullugu tamanut tusarniutigineqarpoq.
Tusarniutaasumut akissutit kommunip nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plania@avannaata.gl. Aamma akissuteqaatit najukkanni Sullissivimmut imalunniit kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqarsinnaalissaaq.
Tusarniaanermut akerliussutissaqaruit imaluunniit oqaaseqaatissaqaruit taakku kingusinnerpaamik kommunimit tiguneqareersimassapput ulloq 23.08.2023.
Una tooruk annertunerusumillu paasisaqarit:
https://kommuneplania.avannaata.gl/tusarniaanerit-hoeringer/tusarniaanermut-hoeringer/
