Assit, video-t, oqaaseqatigiiaqqat imaluunniit titartakkanik suliaqassallutit nuannaraajuk? Immaqa taakku arlaannut pikkoriffeqareerputit? Pingaaruteqarporli, ilinniarusussuseqarnissat, soqutiginninnissat attaveqarnermik suliassanik assigiinngitsunik misilittagaqalernissamut.
Avannaata Kommuniani inissisimassaatit
• Attaveqarnermut immikkoortortami suleqataallutit, oqaluttuanik Facebook-imi, nittartakkami intranet-imilu ullut tamaaasa oqaluttuarluta. Oqaluttuat, kommune-mi illoqarfinni inoqarfinnilu pisut kiisalu kiisalu politik-ikkut anguniakkat aalajangikkallu.
• Suliffeqarferujussuup ilaatut suleqatit nuannersut ikiuukkumatuullu, ulluinnarni ikiuussinnaasut, apeqqutis-saqaraangavit.
• Unammillertillutit pikkorinneruleqqullutit taavalu attaveqarnermik suliaqarnermi suliassanut pikkorinneru-lerneq aamma ineriartortuaannarneq, immaqa ilisimanngisatit, qanoq suliarinissaannut – suliareriarukkilli misilittakkatit amerliallassapput tulliani suliaqarnissamut misilittagaqalissangavit.
• Suliassarnut Ilinniartinneqarnissarnut suliallu sunniutaata maluginissaanut neqerooruteqarpugut
Naatsorsuutigaatsigit
• Suliarnut tunniusimassasutit suliassallu assigiinngitsut suliarisassagitit
• piumassuseqartutit ”oqaluttuaq nuannersoq”-mik takunnissinnaanermut oqaluttuarsinnaanermullu pikkorinnerulernissamut
• alapernaatsuusutit suleqatitsialaallutillu inissaqartitsisoq
• kalaallisut oqalussinnaallutillu atuarsinnaasutit – qallunaatullu aamma/imaluunniit tuluttut oqalussinnaasutit
Pissanganartorujussuussooq – immaqa nuannersoq – ullut ilai oqimaassinnaasut. Taamaattorli attaveqarnermut misilittagalinnik suleqateqassuutit ikiortigisinnaasarnik
𝐈𝐥𝐢𝐧𝐧𝐮𝐭 𝐧𝐚𝐥𝐞𝐪𝐪𝐮𝐩𝐩𝐚? Immaqa Danmark-imi nunatsinniluunniit ilinniagaqaqqinnerit ingerlappat sinnattoralugulu piffissami aalajangersimasumi sulilluni misilittagaqalernissaq. Imaluunniit ukioq ataaseq uninngagallarputit immaqalu eqqarsaatigalugu, atuaqqissanerlutit imaluunniit attaveqaatilerineq ilinnuunersoq.
𝐐𝐢𝐧𝐧𝐮𝐭𝐞𝐪𝐚𝐚𝐦𝐦𝐢𝐤 𝐧𝐚𝐚𝐭𝐬𝐮𝐧𝐧𝐠𝐮𝐚𝐦𝐢𝐤 𝐚𝐥𝐥𝐚𝐠𝐢𝐭: Kinaanerit oqaluttuariuk. Oqaluttuariuk sooq avannaata Kommuniani paasissutissiinermik attaveqarnermillu suliaqarusuttutit. Oqaluttuariuk suna pikkoriffiginerlugu sunalu ilinniarusunnerlugu.
Ilanngutikkit CV aamma assersuutit titartakkat, assit, video, allatat imaluunniit allat sunngiffinni akissarsiutigaluguluunniit suliarisimasatit. Tusarnissat qilanaaraarput!
𝐍𝐚𝐥𝐨𝐫𝐧𝐢𝐬𝐚𝐪𝐚𝐫𝐮𝐢𝐭 𝐚𝐩𝐞𝐪𝐪𝐮𝐭𝐢𝐬𝐬𝐚𝐪𝐚𝐫𝐮𝐢𝐥𝐥𝐮𝐮, sianerit attaveqarnermut sulisumut Dorthe Olander + 299 38 76 86 imaluunniit allagit uunga dola@avannaata.gl