Illoqarfinnik pilersaarusiortartut Kalaallit Nunaannit tamarmeersut Ilulissani ulluni pingasuni katersuussimapput ilisimasat nassarlugit, attaveqaatit naapillugit misilittakkatillu avitseqatigiissutigalugit.
Ukioq manna qulequtarineqarpoq `plan-dage´ taamatut taagorneqartut, tassa asimi pilersaarusiorneq. Avannaata Kommunia Nunatsinnilu kommunit allat amerliartuinnartunit qinnuteqarfigineqarput, asimik nunaminertanik atuerusuttunit assersuutigalugu illuaqqiorniartunit, takornarianut tupeqarfiliorniartunit, illuliorniartunit aamma ATV-iinut aqqusernerniartunit.
Inatsisillu tamatigut piareersimaneq ajorput qinnuteqaatit imaaliallaannarluni akuerineqarnissaannut. Kommuneqarfiit akimorlugit tamakku tungaasigut tamanut atuuttumik unammilligassaqarpoq. Annerusumik paasisaqarfigiuk
Avannaata Kommunia qaaqquusisuuvoq
Avannaata Kommuniani illoqarfinnik pilersaarusiortartui ukioq manna qaaqqusisuupput akisussaasuullutillu pilersaarummut pissanganartumut. Ullut pingasut ulikkaarlugit saqqummiussarpassuit isumassarsiorfiusinnaasut, ilisimasanik tunisisut, tamatsinnut unammilligassanik tikkuussisut, peqataasunullu aaqqiissutaasinnaasutut periarfissat. Assersuutigalugu Kalaallit Nunaata nunap nutaamik assiliorneqarnera, Aatsitassarsiornermut Aqutsisoqarfiup asimi soqutigisai nunamilu pilersaarusiornermut inatsimmut allannguutaasussat.
Kalaallit Nunaanni nunaminertat UNESCO-mit eriagisassatinneqartut immikkut unamminartortaqarput, soorlu Avannaata Kommuniani asimi nunaminertanik atuinissamut akuersissuteqarnissamut. Avannaata Kommuniani Kangiata Illorsuani Site Manager Bo Albrechtsen peqataasunut saqqummiivoq inatsisit periarfissallu pillugit. kangia.gl
Avannaata Kommuniani illoqarfinnik pilersaarusiortartui pingasuusut Kommunip allaffiani Ilulissani sulisarput.
Avannaata Kommuniani ineriartorneq pillugu pilersaarutit atuarnissaat soqutigigukkit, taava uani takusinnaavatit ”Kommunip pilersaarutaa, Avannaata Kommunia 2018-2030”
