Taamaaliornissamut periutsit marluupput:
- MitID pigigukku una toorlugu pisatit nittartakkatigut maana sullissivik.gl-ikkut nalunaarutigisinnaavatit.
- MitID-mik atuisuunngikkuit pisatit PINIARNEQ-mi quppersagaq atorlugu ukiumut immersuiffissatigut nalunaarsorsinnaavatit, quppersagaq piniarnermut allagartamik tunisinninni ilanngullugu tunniunneqartarpoq nalunaarsukkallu najugaqarfinni kommunimi innuttaasunut sullissivimmut tunniukkiartussavat.
Pisatittaaq nalunaaruteqarnermi immikkut ittumik immersuiffikkut/immikkut naklunaaruteqarnissami immersuiffissakkut, tuttunut akuersissutivit tunuatigut nalunaarutigisassavatit. Piffissap piniarfiusup naanerani kingusinnerpaamik ullut 14-it qaangiutsinnagit akuersissutit immersugassartaa immersorsimasoq innuttaasunut sullissivimmut imaluunniit nunaqarfimi kommunip allaffianut utertissavat.
Malugiuk:
Ukiup tulliani piniarnermut allagartamik piniartuit, pisatit nalunaarutigissavatit – aamma pisaqarsimanngikkaluaruilluunniit.
Sunngiffimmi tuttunniarneq kingusinnerpaamik nalunaarutigineqassaaq ulloq 15 oktobari 2023