Aalisarneq aallaaniartarnerlu pillugu saqqummersitsisarneq pillugu isumaqatigiissut
2024-imi oktoberimi aalisarneq aallaaniarnerlu pillugu saqqummersitsinerujussuaq Ilulissani ingerlanneqaqqissaaq. Avannaata Kommnia Aalborg Kongres & Kulturcenter (AKKC) isumaqatigiipput PolarExpo ukioq allortarlugu Ilulissani ingerlanneqartassasoq.
Taamatut isumaqatigiinneq siunissami ingerlajuartussaassaaq, illuatungeriit soqutiginnittuartillugit. ”Uagutsinnut kommunitsinnilu aalisartunut isumaqatigiissut pingaarutilerujussuuvoq. Saqqummersitsineq aalisarnermi atortunik allanillu kiffartuussisunik soqutigineqaleriartuinnarpoq aamma nunanit tamalaanit, taamaalilluni aalisarnermi atortunik periaatsinillu nunani allani misilittakkat paasisallu maani aalisartortatsinnit isumassarsiorfiunissaat periarfissaqarmat,” Avannaata Kommuniani borgmesteri Palle Jerimiassen oqaluttuarpoq.
Aalborg Kongres & Kultur Center-imiit (AKKC) isumaqatigiissut pillugu nuannaartorujussuupput.
”AKKC-mi misigisimavugut Ilulissat illoqarfittut ikinngutigilersimallutigu. Immitsigut ilikkagassarpassuaqarsinnaavugut tunniussaqarsinnaallutalu, taamaattumik suleqatigiinnerup siunissami ingerlaqqittussanngornera assorujussuaq nuannaarutigaarput.” direktør Kaj Holm oqarpoq.
Tulliani PolarExpo Ilulissani matuni ammassavai oktober 2024-imi, taamaalillunilu taamatut saqqummersitsinerit qulingiluassaannik ingerlanneqassalluni!