Upernavimmi najugaqartut najugaqarfiusuni illumi eqqaanni qimmiliveqarput. Illoqarfimmi tamanna sivisuumik atorneqarsimavoq, kisiannili utaqqiisaannarmik qimminut nunaminertanik sanasoqarsinnaavoq.
Illoqarfimmi allaffissornikkut ajornartorsiortitsivoq, qimmiutilinnillu akerleriitsitsisarluni.
Kommune-p pilersaarutaanut ilassummi nr. 47-mi qimmit najugaqarfiit eqqaaniittunut tamanut tusarniaasoqarpoq piffissami uani: 13.11.2023-miik 25.12.2023 ilanngullugu.
Tusarniaaneq tamaat uani atuaruk: hunde-upv-ktp-hoering.pdf (avannaata.gl)
Kommunip pilersaarutaata tapiata siunertaa:
Uunga Kommune-p pilersaarutaanut ilassutip siunertaraa Upernavimmi najugaqarfinni qimmeqarneq, A2, A3, A,4 aammalu C3, taamaalilluni innuttaasut qimminut aalajangersimasumik nunaminertamik tunineqarsinnaalerlutik.
Qimmit illuniik allaniik suli 7,5 meter-inik ungasissuseqassapput, takuuk Kommune-p qimminut ileqqoreqqusaa.
Kommune-p innuttaasut kajumissaarpai oqaaseqaateqaqqullugit, tapersiutinik isumaqataanngissutinillu.
Kommune-p pilersaarutaanut ilassummut siunnersuut sap.ak. 6-ni tusarniutigineqassooq. Piffissamilu tassani kikkulluunniit, innuttaasut, suliffeqarfiit, kommune-p suliffeqarfiutai, peqatigiiffiit il.il. nassiussisinnaapput maalaarutinik, oqaaseqaatinik allannguutissanillu siunnersuutinik.
Tusarniutaasumut akissutit kommunep nittartagaanut toqqaannartumik nassiussinnaavat uunga:
https://kommuneplania.avannaata.gl/dk/hoeringer/indgiv-hoeringssvar/ imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 25.12.2023.
Qinnuteqaat kommunip nittartagaani uani takuneÂqarsinnaavoq www.avannaata.gl imaluunnit kommunimi pilersaarutip nittartagaani uani http://kommuneplania.avannaata.gl
