Ajunaarnersuaqarneranut atatillugu aningaasaateqarfimmut qinnuteqarnissamut ilitsersuut (vejledning)
Ajunaarnersuartut ittumik pisoqartillugu ikiorserneqarnissamut qinnuteqarfissaq(ansøgningsskema)
Silap pissusiata allanngorneranik patsiseqartumik tassanngaannartumik pisumik inuutissarsiorsinnaanngikkallarnermi ikiorsiissutinik qinnuteqarnermi immersuinissamut ilitsersuut kommuninut ullumi nassiunneqarpoq.
Inatsisartut ukiarmi 2023-mi ataatsimiinnerminni akuerivaat silap pissusiata allanngornera pissutigalugu, ajunaarnersuartut pisoqartillugu, inuutissarsiorsinnaanngikkallarnermi kinguneqartumik ikiorsiisoqarsinnaasoq.
Aningaasanut 2024-mut inatsimmut oqaasertaliinikkut ikiorsiisoqarsinnaanngorpoq.
Silap pissusiata allanngorneranik pissuteqartumik piniartut piffissami kingullermi inuutissarsiornerat ajorseriarpoq, taamaattumik inuutissarsiorsinnaanngikkallarnerini januaarip aallaqqaataa 2024 nallinngikkaluaraa ikiorsiisinnaaneq pisinnaanersoq Naalakkersuisut Inatsisartut akileraartarnermut aningaasaqarnermullu Ataatsimiitsitaliamut qinnuteqarput, qinnutigineqartorlu akuerineqarpoq.
Qinnuteqarneq
Ajunaarnersuarmut atatillugu qinnuteqaasiussaguit, qinnuteqarnissamut immersugassaq immersussuat, Qinnuteqaat esu@nanoq.gl, Piniarnermut Aalisarnermullu Naalakkersuisoqarfimmut ESU-p immikkoortortaqarfianut nassiunneqassaaq.
Qinnuteqarnermi immersugassaq sumiiffigisanni sullissivimmi pisinnaavat, aamma Aalisarnermut PiniarnermulluNaalakkersuisoqarfimmi imaluunniit Savaatillit Peqatigiit Suleqatigiissuni (SPS) siunnersorteqarfianni pissarsiarisinnaavat.
Ajunaarnersuaqarneranut atatillugu aningaasaateqarfimmut qinnuteqarnissamut ilitsersuut (vejledning)
Ajunaarnersuartut ittumik pisoqartillugu ikiorserneqarnissamut qinnuteqarfissaq (ansøgningsskema)
Inuutissarsiorsinnaanngikkallarnermi ikiorsiissutinik qinnuteqarsinnaavoq (naalakkersuisut.gl)
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl