Niihimaaq Pituffimmiit (Julemandsoperation) pisarneq malillugu ukiormanna meeqqat juullimut poortugarsiassaannik pajulluni Qaanaamut tikippoq 29. November 2023.
Qatserisartut, politiit portørillu alutornaqisumingaasit parsiaapput qullitit ikumatillugit nipiliorlutillu illoqarfimmut orpiliarfissamullu ingerlaarlutik.
Niisimaannguaq iserit atorlugu niihimaaq tikilluaqqullugu orpiliaqatigiittoqarpoq. Qaanaami najukkami ataatsimiititaliami siulittaasoq qujassuteqarluni oqaaseqarpoq tunissuteqarlunilu. Orpiliaqatigiittoqaqqeriarluni niihimaaq nissiaqqallu poortukkanik agguaapput, nissiaraapput pisarneq malillugu Avanersuup atuarfiani 10 klasset.
Poortukkanik tunniussisuupput pituffimmi sulisut nammineq kajumissutsimik suleqatigiit julemandsoperation.
Nunaqarfinnut niihimaaq tikissaarnikuummat Siorapalummi Savissivimmilu pisarneq malillugu juulliaqqami poortugarsiassaat agguaanneqarumaarput. Qeqertanullu sikukkut angalasoqarsinnaalerpat poortugarsiassaat apuunneqarumaarlutik.
Ukioq kingulleq sila helikopterillu ajornera pissutigisarlugit tikinngitsoornikuulluni ukiormanna decemberi sioqqutilaarlugu tikinnera meeqqanit nunaqqatigiinniillu nuannaarutigineqaqaaq.
