Innaarsunni atuarfittaarsuaq kusanaqisoq maanna naammassivoq. Atuartitsiviit maanna atuartunit atorneqalereerput, atuarfimmilu ilinniartitsisut qiimmattarput avatangiisit nutaat pillugit.
Atuarfik ateqarpoq, Innaarsunni Atuarfik, atuartullu 1. klasse-miit 9. klasse angullugu atuartinneqarsinnaapput.
Atuarfittaarsuaq pingasunngornermi 13. december 2023 atoqqaarfissiortinneqarpoq, atuartut sisamat qalersamik aappalaartumik qiorsisoralugit.
Atuarfik ullumikkut marlunnik ilinniartitsisoqarpoq ataatsimillu timelære-mik sulisoqarluni. Atuartut 17-iupput. Tamaani aamma ilinniartitsisunngornartoqarpoq alimasissumit Ilinniarfissuarmi ilinniartumik.
Atuarfissaq nutaaliaasoq kommunalbestyrelsimit 2020-imi aningaasaliiffigineqarpoq.
”Pingaartorujussuuvoq pilerinartunik atuarfeqarnissaq, aamma nunaqarfinni, taamaalillutik nunaqarfim-miut nunaqarfimminni najugaqaannarusunniassammata. Taamaattumik nuannaartorujussuuvugut atuarfik maanna piareermat, taamaalilluta atuartunut ilinniartitsisunullu avatangiisit kajungernartut neqerooruti-gisinnaalerlutigit,” taamatut oqarpoq Avannaata Kommuniani Inerisaanermut Ataatsimiititaliami siulittaasoq Lena Ravn Davidsen (D).
Innaarsunni Atuarfiup pisortaa Pia Kristensen atuarfittaartik pillugu aamma nuannaaqaaq.
”Atuarfittaarput nuannaarutigeqaara, neriuppungalu maanga suliffissarsiornissaq pilerigineqarnerulissa-soq.” Pia Kristensen oqarpoq.
Ukiut sisamat ingerlaneranni atuarfiliaq kr. 17 mio.-inik akeqarsimavoq.
Innaarsunni atuarfitoqaq naalagiartarfittut atuinnassaaq.
