Kommunip pilersaarutaanut tapiut nr. 50-mut siunnersuut piffissami 22.01.2024-miit 04.03.2024-mut tamanut tusarniutigineqarpoq.
Kommune-p pilersaarutaanut ilassutissamut nr. 50 siunnersuut, Ilulissat avannaani illuliorfissami.
Kommunip pilersaarutaata tapiata siunertaa
Teknik-imut ataatsimiititap aalajangiussimavaa, tunngaviusumik pilersaarut immikkoortoq 1200-A30 aammaarluni allanngortinneqassasoq. Tamannalu pilluni sanaartorfissap nr. 24-p peerneqassammat, siusinnerusukkut pilersaarummi ilaangaluartoq. Tamanna pissutigalugu kommune-p pilersaarutaanut ilassut nr. 50, nutaamik tusarniutigineqassooq.
Kommune-p pilersaarutaanut ilassummut siunnersuut sap.ak. 6-ni tusarniutigineqassooq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunip nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plania@avannaata.gl. Aamma akissuteqaatit najukkanni Sullissivimmut imalunniit kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqarsinnaalissaaq.
Tusarniaanermut akerliussutissaqaruit imaluunniit oqaaseqaatissaqaruit taakku kingusinnerpaamik kommunimit tiguneqareersimassapput ulloq 04.03.2024.