Qitiusoqarfimmi C24.1-imi illuliorfissaq inuttaqanngitsoq kommunip matumuuna saqqummiuppaa.
Sanaartorfissaq 1 akunnittarfiliorfigineqarsinnaavoq, vandrehjemmeliorfigineqarsinnaalluni assigisaanilluunniit inissikkallartarfimmik sanaffigineqarsinnaalluni.
Sanaartorfissaq 1 qinnutigineqarsinnaavoq inniminnerneqarsinnaalluniluunniit 13. marts 2024 tungaanut.
Qinnuteqaatit tamarmik sioqqullugu kingusinnerpaamillu 13. marts 2024, nal. 24.00 tiguneqartut qinnuteqaatitut isigineqassapput tunniunneqarnera qanga pisimanersoq apeqqutaatinnagu. Qinnuteqaatit 13. marts 2024, nal. 24:00 kingoqqullugu tiguneqartut qinnuteqaatitut suliarineqassanngillat.
Imeqarfiup kujataani Qitiusoqarfimmi C24-imi kommuni pilersaarutaa
Kommunimut pilersaarummut tapiliussaq uani atuarneqarsinnaavoq: https://kommuneplania.avannaata.gl/dk/by-og-bygd/ilulissat/1200-c24-da/ imaluunniit nunaminertalerinermut allattoqarfimmut, Teknikkeqarfimmiittumut piniarneqarsinnaavoq.
Qinnuteqarniaraanni pingaaruteqarpoq kommunip pilersaarutaanut tapiliussaq nr. 32 ILU1200-C24 ”Imeqarfiup kujataani Qitiusoqarfik” 20.12.2022-mi, nunaminertami tamaani aalajangersakkat atuuttut atuarsimanissaat paasilluarsimanissaallu.
Politikkikkut aalajangerneqarnikuuvoq, illuliorfissaq tamakkerlugu akunnittarfiliornermut assigisaanulluunniit atorneqassasoq.
Sanaartorfissagissaaneq.
Sanaartortitsisoq nammineerluni sanaartorfissagissaassaaq.
Qinnuteqartut makku eqqumaffigissavaat:
- Nunaminertamik qinnuteqarsinnaavoq inuk kisimi, suliffeqarfik, ingerlatseqatigiiffik imaluunniit peqatigiiffik.
- Inuk suliffeqarfilluunniit ataasiinnarmik qinnuteqarsinnaavoq, inatsisitigut akuerisamik illuliorfissamut aamma/imaluunniit sanaartorfissamut pineqartumut ataatsimut qinnuteqaammik ataatsimik.
- Qinnuteqaateqartutut piukkunnaatilittut isigineqassagaanni, minnerpaamik aningaasanik atorfigisamiit uppernarsaammik takutitassaqartariaqarpoq.
Illuliorfissat inuttaqanngitsut saqqummiunneqartarneri pillugu aalajangersakkat Avannaata Kommuneplaniani takuneqarsinnaapput:
Qinnuteqaammut ilanngunneqassapput:
- Sanaartornissamut piffissalersuineq piviusorsiortoq, nunaminertamik inniminniinermi tunineqarnermilu piffissalersuutinut naapertuuttumik.
- Suliniutiginiakkap suuneranik allaaserinninneq suna pilersinniarnerlugu allaaserineratigut aamma/imaluunniit titartagatalersorneratigut.
- Aningaasalersorneqarnissaanik uppernarsaasersuineq. Qinnuteqartup uppernarsaasersussavaa sanaartorniakkap qinnutigineqartup piviusorsiortumik aningaasalersorneqarsinnaanera.
Qinnuteqaatit tamakkuninnga paasissutissanik imallit kisimik qinnuteqaatitut isigineqarlutik suliarineqassapput.
Qinnuteqartup akisussaaffigaa, qinnuteqaat naammattumik, erseqqissumik eqqortumillu suliarineqarsimanissaa. Qinnuteqarfissaq qaangiutereertinnagu qinnuteqaatit kommunimit misissorneqarnavianngillat.
Qinnuteqaatit tamarmik sioqqullugu kingusinnerpaamillu 13. marts 2024, nal. 24.00 tiguneqartut qinnuteqaatitut isigineqassapput tunniunneqarnera qanga pisimanersoq apeqqutaatinnagu. Qinnuteqaatit 13. marts 2024, nal. 24:00 kingoqqullugu tiguneqartut qinnuteqaatitut suliarineqassanngillat.
Nunaminertamik tunniussinissamik suleriaasissaq:
Saqqummiussinermi qinnuteqarnissamut killiliunneqartup iluani qinnuteqaatit piukkunnartut arlallit sanaartorfissamut pineqartumut tunngasut tiguneqarpata, taava nunaminertami sanaartortussaq makitsinikkut nassaarineqassaaq. Makitsineq tamanut ammasumik ingerlanneqassaaq.
Qinnuteqartut ilisimatinneqarumaarput makitsineq sumi aamma qaqugu pissanersoq.
Paasissutissat annertunerusut Teknikkeqarfimmi Nunaminertalerisunut piniarneqarsinnaapput areal@avannaata.gl.
Nunaminertamik inniminniiniarluni qinnuteqaat uunga nassiunneqassaaq, Nunaminertalerisut, Teknikkeqarfik, Noah Mølgårdip aqq. 9, Postboks 1023, 3952 Ilulissat, imaluunniit uunga nassiullugu areal@avannaata.gl.