Eqqakkanut (kloak) kuuffissuup aqqutaata 4-p taarsernera – Meeqqat angerlarsimaffianniit umiarsualiviup tungaanut
Avannaata Kommuniata tamanut suliariumannittussarsiuuppaa:
Eqqakkanut kuuffissuup aqqutaata 4-p taarsernera – Meeqqat angerlarsimaffianiit umiarsualiviup tungaanut.
Suliassamut ilaavoq Uummannami eqqakkanut (kloak) kuuffissuup katiguffiisalu pioreersut taarsersorneqarnissaat. Kuuffissuup aqqutaa taarserneqartussaq 315 meterit missaannit takissuseqarpoq, meeqqallu angerlarsimaffiata eqqaani katiguffimmiit ammut umiarsualiviup tungaanoorluni. Kuuffissuup aqqutaa oqorsagaavoq PEH-julluni aammalu innaallagissap sarfaanit qerinaveersaasersugaalluni.
Suliassamut ilaapput:
- Nunalerineq
- Kuuffissualerineq
- Innaallagissap aqqutai
Suliassaq 2024-imi 2025-imilu suliarineqassaaq.
Suliariumannittussarsiuussinermi akikinnerpaamik neqeroortoq aallaavigineqassaaq.
Suliariumannittussarsiuussinermi neqerooruteqartutut naatsorsuunneqassagaanni uppernarsaalluni neriorsuuteqarlunilu nalunaarut ilanngunneqassaaq, tassani uppernarsarneqassalluni neqeroorusiortoq annerpaamik pisortanut 100.000 kr.-nik akiligassaqartoq.
Piffissaq sumilu suliariumannittussarsiuussineq ingerlanneqassanersoq neqeroortitsinermi atortussani takuneqarsinnaajumaarpoq.
Neqeroorusiornermi tunngavissat digitaliusut Rambøll Grønland-imut pisssarsiariniarneqarsinnaapput Søren Andersen-imut uunga: soa@ramboll.gl saaffiginninnikkut.