Niaqornat

Download pjece

2017-imi ajunaarnersuaqarnerani sualummik Nuugaatsiaq
Illorsuit-llu eqqugaammata, Uummannap eqqaa tassaarsuaqarsinnaaneranut qaninnerusoq ersarissivoq.

2021-imi GEUS-imit misissuinerit ersarissitippaa ulorianartorsiorneq qanoq annertutigisoq aamma Uummannap nunaqarfiinut tamanut tunngasuusoq.

Taamaattumik nunaqarfinni tassaarsuaqarnissaanut ulorianartorsiorfimmiipputit, Karrat kangerluata kujataanit Imaluunniit Kigarsimamit qaqqat sisoorsinnaaneranit pilersitsisumik.

Ersarissumik oqaatigineqarsinnaanngilaq qaqugukkut qaqqat sisoorsinnaanerat taamaattorli aallaavittut oqaatigineqarsinnaavoq ullup qanorilinera aamma ukiup
qanorilinera apeqqutaatinnagu
qaqqaq sisoorsinnaasoq.

Aamma ima isumaqarpoq, aatsaat ukiorpassuit qaangiuppata tassaarsuaqarsinnaasoq taamaalilluni illit ilaquttatilluunniit ajunaarnersuaq misigissanngikkissi.

Taamaattorli qularutissaanngilaq tassaarsuit annertoorujussuarmik aserorterinissaat inunnullu mallinik qaartaarfiusuniittuni uloriarnartorsiortitsisinnaanerat.

Taamaattumik pingaaruteqarpoq, najungaqarfigisanni ulorianartorsiorfiusinnaasoq paasiniarluassallugu aamma qanoq isumannaatsumut pisinnaanissat paasiniassallugu.

Illoqatitit tassaarsuqalernerani piareersakkit
Tassaarsuaqalernissaanut ilimasaarisoqassappat illillu qarsutsiviusinnaasumiillutit uninngaguit, najugaqaruit, suliguit imaluunniit atuaruit piffik
tamanna ingerlaannaq qimassavat. Qarsutsiviusinnaasoq qimassavat katersuuffissamullu ornigullutit.

Atisat nerisassat puiaasallunniit imermik imallit poortornissaannut piffissaqassanngilaq. Taamaattumik illugisanni ajunaarnersuaqalernerani poortukkamik piareersareersimanissaq isumassarsilluatsialaavoq, pisariaqarnerpaanik imaqartussamik.

Ilaquttatit oqaloqatigikkit

Ilaquttatit oqaloqatiginerani pilersaarusiornermilu inoqutippit tamarmik ilisimassagaat tassaarsuaqassagaluarpat qanoq iliornissartik.

Taamaalilluni uippakajaartoqalernissaq annikillissaaq qulakkeerneqassallunilu illoqutigiit tamarmik eqqissimanerusumik eqqarsarnissaat taamaalillunilu ajunaarnersuup nalaani qisuariarnerat sukkanerussalluni.

Ataani nunap assingani Niaqornani aarleqquteqarfiup killeqarfia, kiisalu nunaqarfimmi katersuuffissat pingasut takuneqarsinnaapput.
Nunap assinganik tassannga ilisimasaqarnissat pingaartuuvoq.

Ulitsinersuaqarfik = Ajutoorluinnarfinni tassaarsuaqarnerani sumiiffiit eqqugaasussat.

Katersuuffik = Tassaarsuaqarnerata kinguninngua innuttaasut tamarmik ornitassaat.

Tassaarsuaqalisssagaluarpat

Sissamiinnerni mallit assut nusutsippata sissamiit qimagutissaatit portunersamullu qimaallutit.
Inuit eqqanniittut kalerrikkit. Upalungaarsimasut politiillu
tassaarsuaqalerneranik
nalunaarutisigunik nunaqarfik kalerrisaariffiussaaq.
Tassaarsuaqarnerani kalerritsikkuit qarsutsiviusussaq ingerlaannaq qimassavat.

Taamaattumik umiatsiat, inigisat, suliffiit atuarfilluunniit ernertumik qimassavat. Pigisatit allat qimassavatit naak annaassangaluarukkilluunniit.

Qassutsinersuup nalaaniikkunnaarlutit isumannaatsumiileruit nunaqarfiup katersuuttarfiata tungaanukarit. Taamaalilluni kikkut ajunnginnersut imaluunniit maqaasisaqartoqarnersoq upalungaarsimasut paasilluarnissaanut qulakkiissavaat.

Nalunaarsuutit uku takutippaat sumut arpassanersutit nunaqarfiit tassaarsuarmik eqqungaappat. Nalunaarsuutit Uummannami sumi tamani nunaqarfiinilu tamani nappaatiterneqarsimapput.

Pingaaruteqarpoq nalunaarsuutit malinnissaat tassaarsuaqassangaluarpat.

 

Isumannaatsumiigit
Tassaarsuaqarnerup kingorna sissaq nigorlugu ulorianartorsiorfik sapinngisaq tamaat qimassavat tassaarsuaq
siulleq amerlanernik anginersuarnillu malitseqarsinnaammat.

Nunaqarfinni kallerup inneranut attavik mobiilinullu attaveqaatit kipisinnaapput. Katersuuffiup eqqaani generatorimut ajornartorsiornermi atortartumut attaviliinissamut periarfissaqarpoq.
Aamma naapiffik 1-imi 3-milu Ikiueqqaarnermut atortut toqqillu Issapput.

Katersuuffiusoq qimanngisaannaruk illit ilaquttavillu nalunaarsoqqaartussaammata.
Taamaasilluni pisortat illit/ilissi ajunngitsusi ilisimaniassammassuk.

Ikiuisussat aggerput
Nunaqarfiit tassaarsuaqalissagaluarpat ikiuisussat avataanit tikissapput. Kalaallit Nunaanni Politiit, Issittumi Sakkortooqarfik Avannaatalu Kommunianit Upalungaarsimasut ataatsimoorlutik nunaqarfimmut sukkanerpaamik nunaqarfimmiut pisariaqartitaannik ikiorneqassapput.

Pisariaqartinneqassappat illit ilaquttatillu nunaqarfimmit isumannaatsumut ingerlanneqassaasi.