Kommunalbestyrelsemi ilaasortat aggustip 20-ani immikkut ittumik ataatsimiinnerminni aalajangerpaat, pedelit nunaqarfigisaminni ataasiakkaani ingerlatsiviit akimorlugit suliaqalissasut, tamannalu isumalluarfigineqarpoq.
Ilutigitillugu pedelit ukiumut katillugit akissarsiaat 1,5 millioner koruuniniit 3 millioner koruunit missaannut aaqqiivigineqassapput. Aalajangiineq akissarsiaqartitsinikkut oqinnerulersitsissaaq, tassami pedelinut siornatigut kontot assigiinngitsut atorlugit akissarsititsisarsimaneq qimallugu konto ataasiinnaq atorlugu akissarsititsisoqartalissaaq.
Pedelit siornatigut ingerlatsiviit assigiinngitsut ataanni suliassat malillugit akissarsitinneqartarsimagaluarput. Taamatut akissarsititseriaaseq malillugu pedelit sumi sulisimanertik aallaavigalugu nalunaaquttap akunnerini suliffigisimasatik allattortarsimagaluarpaat. Pedelillu siunissami ullup ingerlanerani suliffigisimasatik malillugit nalunaaquttap akunnermisiatik allattortariaaruppaat.
Nunaqarfinni pisariaqartitat aallaavigalugit misissuineq maanna atukkatigut kiffartuussinikkullu pitsanngoriaatinik kinguneqartussanngorput.
Nunaqarfinni pedelit atuuffiisa nalilersorneqarnissaat kommunalbestyrelsimi siorna aalajangiunneqarpoq. Pedelimmi akornanni suleriusaasimasoq eqarparlaarsorineqarsimavoq. Taamaasilluni nunaqarfinni atuarfiit, utoqqaat illui, angerlarsimaffimmi paarsisut allallu tamarmik immikkut pedelinik atorfeqartitsisarsimapput.
Ingerlatseriaaseq nutaaq kommunip nunaqarfiini inoqarfiusuni ataasiakkaani 21-usuni nalilersorneqallattaassaaq.
Allattoq: Káte Hansen, khan@avannaata.gl
Asseq: Toqqorsivik
Nunaqarfinni pedelit suliaat allanngorarnerusut akissarsiaannillu aaqqiineq
Pisariaqartitat aallaavigalugit misissuineq Avannaata Kommuniani nunaqarfinni pedelit suliaasa allanngorarnerulernerannik akissarsiaannillu qaffaanermik kinguneqarpoq.
3. september 2020
-
4. maj 2021
Kommunalbestyrelsimi ilaasortanngorlaat qinigaasinnaatitaasut
Qinigaasinnaanermut Naliliisartut kommunalbestyrelsimi ilaasortartaat tamarluinnarmik qinigaasinnaasutut nalilerpaat. Kommunalbestyrelsilli inissititernissaanut Qaanaap pigisaani Upernaviullu nunaqarfiini marlunni qinersinermi paasissutissat kommunimit suli amigaatigineqarput.
Nutaarsiassaq takuuk -
4. maj 2021
Amerikamiunik atorfilittanik paasiniaaqatigiilluni ataatsimeeqateqarneq
Ilinniarnermut Ingerlatsivimmeersut amerikamiunik atorfilittanik marlunnik paasiniaaqatigiilluni ataatsimeeqateqarput, tamatumanilu meeqqat atuarfianni suleqatigiissuteqarsinnaaneq eqqartukkat ilagaat.
Nutaarsiassaq takuuk -
29. april 2021
Ilulissat avannaani nunap ataanit DTU-mit suleqateqarluni paasiniaaneq
Apriilip aallartilaarnerani ilisimatuut arlallit suliatik oqaluttuariartorlugit Avannaata Kommunianut tikipput. 2010-imili ilisimatuut DTU-meersut Ilulissat eqqaani nunap ataa misissorlugu aallartippaat. Ilaatigut mittarfittaassarsuup sanaartorneqarnerata eqqaani atajuartumik atortorissaaruteqarput. Nunap qeriuaannartup aakkiartorusaarnerata sunniutai paasiniarneqarnerat siunertaavoq aamma ilaatigut nunap qaavanut ikkussat qanoq sunniuteqartarnerat paasiniarneqarpoq. Suliniut DTU, Avannaata Kommunia, Århus Universitet, Nukissiorfiit aamma EU suliniut Nunataryuk akunnerminni suleqatigiissutigaat.
Nutaarsiassaq takuuk -
27. april 2021
Upernavimmi innuttaasut avatangiisit silaannaallu allannguutaat oqallisigaat
Marlunngornermi 27.april Upernavimmi innuttaasunik ataatsimiisitsineqarpoq piujuaannartitsinissaq pillu-gu. Tassa Piujuaannartitsinermut Immikkoortortaqarfik saqqummiivoq FN-p nunarsuarmioqatigiit angunia-gassatut siunniussaannik aammalu kommunep iliuusissiaanik piujuaannartitsinermik tunaarta-qarluni ineriar-tortitsinissamik. Tamakku saniatigut immikkoortoqarfik isumassarsiaasinnaasunik saqqummiivoq, innuttaa-sut namminneq pinngortitap mianerinissaanut inuiaqatigiillu sumiiffimminni iliuuserisinnaasaannik.
Nutaarsiassaq takuuk -
22. april 2021
Kommunalbestyrelsimi ataatsimeeqqaarnissaq inissitassanit kinguarsarneqarpoq
Inissitassat arlaqartut kommunimut qinersinermi inernerusunut tunngasuteqartut aammalu Qinigaasinnaanermut Naliliisartut kommunalbestyrelsimi ilaasortartaat qinigaasinnaanerannik nalilersuinerat pissutigalugu kommunalbestyrelsimi ilaasortat ataatsimiigiaqquneqarnissaannut kinguarsaataapput. Siumut aamma Naleraq isumaqatigiissutissaminnik ullumi atsioqatigiissapput.
Nutaarsiassaq takuuk