airplanebooksbriefcase business cogs cross election entertainment fish house law lockmedicalpeopleselfservices socialtax

Tamanut angallanneq pillugu akiuussutissamik kapitissimanissamut piumasaqaat

Ataasinngormat tusagassiortunik katersortitsinermi COVID- 19 pillugu killilersuinerit nutaat tamanut saqqummiunneqarput
19. juli 2021

Marlunngorneq juulip ulluisa 20-t aallarnerlugu tamanut angalanermi minnerpaamik ataasiarluni kapitereernissaq piumasaqaataalerpoq. Bussinut, umiarsuarnut timmisartunullu ilaanissamut atuuppoq. Taxanulli ilaanermut atuutinngilaq.

Tunngaviusumik uppernarsaateqarnissaq bussinut umiarsuarnulluunnit ikinermi piumasaqaataanngilaq kisianni nakkutigineqartussaavoq aamma angalasut akiuussutissamik kapitissimanngitsut akiliisinneqartassapput.

Inuit marloriarlutik kapitissimasut nunatsinni tamani ajornaquteqanngitsumik angalasinnaapput. Inuilli allat tamarmik nunaqarfimminnut illoqarfimminnulluunniit apuunnermi ullut tallimat angerlarsimatitaagallassapput misilitsillutillu.

Ilanngunneqanngitsut

Naartusut, inuit 18-t inorlugit ukiullit aamma inuit allat peqqissutsimikkut peqquteqarlutik akiuussutissamik kapitissinnaangitsut inerteqqummut ilanngunneqanngillat.

Inuit akiuussutissamik kapitinneqanngitsut taamaattorli angerlarsimaffiginngisaminiittut, akiuussutissamik kapitinngikkaluarlutik angerlarsinnaatitaapput taamaattorli tikinnermi ullut tallimat angerlarsimatitaagallassapput misilitsinnermilu tunillatsissimannginnissaq qulakkerneqassalluni.

Piumasaqaatit aqagumiit juulip ulluisa 20-anit atuutissapput juulip ulluisa 30-anut killeqarallassallutik.




Avannaata Kommunia