- Ilulissani utoqqaat illuat pulaartunut killilersuutitaqanngitsumik ammaqqinneqarpoq, Upernavimmili utoqqaat illluaannut pulaartut anersaartuutitigut assiaqutaqaqqusaapput, soorluttaaq aamma inassuteqaatit allanngortinneqarnissaasa tungaannut akiuussuserneqarsimanermut imaluunniit coronamik tunillatsissimannginnermut uppernarsaammik takutitsisinnaasariaqarlutik, Karen Fleischer Ilaqutareeqarnermut Ingerlatsivimmi ingerlatsisoq oqarpoq.
Pulaartut akiuussuserneqarsimanermut imaluunniit coronamik tunillatsissimannginnermut uppernarsaammik takutitsisinnaanngitsut Nuna tamakkerlugu killilersuinerit pillugit Namminersorlutik Oqartussat nalunaarutaanni § 4 immikkoortoq 1 aamma 2 ima allaqqasut tunngavigineqarput:
§ 4. Inuit inatsisitigullu pisussaatitaasut pisinnaatitaasullu, tassunga ilanngullugit pisortani oqartussat suliffeqarfiillu, ininik § 3, imm. 2-mi pineqartunik pigisallit akiuussuserneqarsimanermut uppernarsaammik imaluunniit Covid-19-imut misissortinnermi uppernarsaatitut akuerisaq qinnuiginnissinnaapput.
Imm. 2 Imm. 1 malillugu uppernarsaat takutinneqarsinnaanngikkuni, anisitsisoqarsinnaavoq.
Nalunaarut tamakkiisoq uani alakkarneqarsinnaavoq:
https://corona.nun.gl/wp-content/uploads/2021/12/Nalunaarutit-Selvstyrets-bekendtgrelse-nr-72KAL-1.pdf
Allattoq: Káte Hansen, khan@avannaata.gl